السيسي: "مش هنخلي مريض يتألم ويعاني في بيته"

قال الرئيس عبدالفتاح السيسي، إن العدد الذي تم تحقيقه في قوائم الانتظار فاق ما تستطيع دول أخرى متقدمة تحقيقه، لافتًا إلى إننا لم نتوقف في مصر أمام قلة الموارد ولم يصبنا الإحباط.

وأضاف، السيسي، خلال كلمته المؤتمر والمعرض الطبي الأول بأفريقيا، أنه لا توجد عقبة تقف عائقًا أمام إرداة لا تلين، وتابع: "لما اتعرض الموضوع قلنا هنستهدف قوائم الانتظار، ومش هيكون فيه قوائم انتظار في مصر، العدد اللي اتطرح ساعتها ماكانش كبير، النهارده بعد 3 أو 4 سنين حققنا نجاح كبير، وأتصور فيه دول كتير متقدمة أكتر منننا وقدراتها الاقتصادية أعلى، ومقدرتش تعمل ده".

وتابع: "إحنا بنتكلم في 1.3 مليون عملية، ودي عملية كبيرة بتتكلف بين 100 ألف و300 ألف جنيه ويمكن 400 وقد يزيد، بما فيها عمليات نقل الأعضاء، وإحنا بنتكلم على 3 أسابيع قايمة انتظار، ولما اتكلمت مع الدكتور خالد عبدالغفار من 3 أيام قال لي 3 أسابيع فقلت له ما تقللوا، قللوا عن كده، مش هنخلي أبدًا مريض يتألم ويعاني في بيته، أي حد بيتشكي من عملية كبيرة نقدم له العلاج، والعملية تتنفذ في أسرع وقت بعد إجراء الفحوصات".

وواصل الرئيس: "اشتغلنا واطلقنا البرنامج واطلقناه في 5 محافظات وخلال مدة 10 سنوات نكون عملنا تأمين صحي شامل لكل المصريين، قابلنا تحديات كتير لكن ما احبطناش، بنزيد2.5 مليون كل سنة وحالات الوفاة نصف مليون يعني بنزيد 2 مليون كل سنة، يعنى 4 آلاف سرير يكلفوا 2.5 مليار دولار كل سنة للصحة، ده مخوفناش وقلنا إن مواردنا محدودة وهنفضل نشتغل".