إجراء عاجل من الحكومة بشأن سرقة الكهرباء

كشف الدكتور مصطفى مدبولي، رئيس مجلس الوزراء، عن منظومة جديدة تستعين بها وزارة الكهرباء والطاقة المتجددة للكشف عن سرقات التيار الكهربائي.

وأضاف مدبولي، خلال مؤتمر صحفي عقده اليوم الخميس، عقب الاجتماع الحكومي الأسبوعي بمدينة العلمين الجديدة، أن الحكومة تتحرك حيال سرقات الكهرباء بقوة.

واستطرد: «إمبارح كان وزير الكهرباء بيعرض عليا، هنبدأ ندخل تقنيات من شأنها وبقوة أنها توصلنا من خلال بعض البرامج والقياسات والأجهزة، ووراني إمبارح عرض على منطقة بعينها، وصلنا أن إحنا عرفنا من خلال المنظومة دي، إن الشقة دي والمحل ده بيسرقوا الكهرباء، ونزلوا عليهم لقوا فعلًا إن فيه سرقات كهرباء».

وأضاف رئيس الوزراء أن «سرقة الكهرباء تساعد السارق على توفير جزء من الفاتورة، ولكن تبعاتها على الدولة تكون كبيرة جدًا وتؤثر على مقاصد أخرى»، قائلًا: «لو فيه ترشيد لـ 10% من حجم الكهرباء اللي إحنا النهارده بنستهلكه، ده من شأنه لوحده يخفف من حدة المشكلة الكبيرة، ومن الفاتورة اللي الدولة بتسورده النهارده من منتجات علشان أدبر أوقف قطع الكهرباء، والـ 10% ممكن تتوفر من خلال موضوع السرقات».