هل طلب صندوق النقد إلغاء دعم الخبز؟.. لميس الحديد تكشف التفاصيل

قالت الإعلامية لميس الحديد، أن صندوق النقد الدولي، لم يطلب من مصر إلغاء دعم الخبز، موضحة أن مصر تسعى للحصول على قرض جديد من صندوق النقد الدولي بقيمة تتراوح ما بين 3 إلى 5 مليارات دولار.

تفاصيل قرض صندوق النقد الدولي

وأوضحت الحديدي خلال برنامج “كلمة أخيرة” المذاع على قناة “on e”: "نحن من ذهبنا لصندوق النقد بطلب المساعدة بدعم فني ومادي".

وأضافت أن صندوق النقد الدولي لم يتحدث عن إلغاء دعم الخبز، ولكنه طلب مزيد من المرونة في سعر الصرف، والإصلاح الهيكلي من حيث إعطاء دور أكبر للقطاع الخاص لزيادة التشغيل وتخارج الدولة من الاقتصاد، ووحدة الموازنة وتحميل تكلفة المبادرات للمالية وليس للبنك المركزي، والانتباه للمديونية. 

رسالة وزير المالية للمواطنين

وفي سياق آخر، وجه وزوير المالية رسالة هامة للمواطن قائلاً: "المواطن بيقول الأرقام بالنسبالي ملهاش أي معنى معناها الحقيقي أشوف حياتي هشوفه في فرصة عمل في توافر السلع والخدمات وفي متناول الإيد وألاقي خدمات المجتمع عمالة بتزيد".

الوزير للمواطنين: معاكم حق

وأكمل الوزير: "هرجع تاني وهقول للمواطن أنت معاك حق إن أنت عاوز تشوف الأرقام تترجم في حياتك، فعلا أنت خلال الفترة اللي فاتت كنت متعود تفتح الجرنال أو تشوف الحديث المتواصل عن المناطق العشوائية أنت معدتش بتلاقي الكلام دا، أنت كنت بتلاقي أنبوبة البوتاجاز والطوابير ومعدتش بتشوف الكلام دا، كان عندك مشكلة قطع الكهرباء، ونقص في رغيف العيش والمواد البترولية معدتش بتشوف الكلام دا".

موجة تضخمية ومرتبات ومعاشات دون مستوى الزيادة

وتابع الوزير: "عندي موجة تضخمية وعندي مرتبات ومعاشات مش بمستوى زيادة الأسعار فعلا فيه زيادات ضخمة جدا جدا ولكن علشان نكون صرحة العالم كله متأثر سلبيا بسبب الأوضاع دي واحنا كمان متأثرين، أنا عندي تضخم وزيادة سكانية فمش ملاحق لأن أنا بستورد".

وأضاف: "أنا كنت بستورد برميل البترول كان بيكلفني 60 دولار انهاردة أصبح بـ 110 دولارات الفرق دا محتاج أدبره ومش معقول هاجي أقولك لتر البنزين بـ 9 هخليه 20 أصل كنت بجيب البرميل بـ 60 أصبح بـ 110، مقدرش أعمل معاك كدا".

وأضاف: "مقدرش أقولك إن أنا كنت بجيب طن القمح بـ 250 دلوقتي بجيبه بـ 500 غير أسعار الشحن اللي ضربت بـ 3 دي فترة على العالم كله كل دا ضغط على اقتصاد الدولة، إحنا كنا بننزل الأسواق الدولة كنا بنقترض في حدود تكلفة مرة 3.5 مرة 3.8 أقصاها 5% انهاردة ولا 11% نتيجة للأوضاع العالمة".

واختتم الوزير : "أنا مستوعب المواطن بيقول إيه كل ما نتمناه إن الدنيا ترجع تهدى تاني كنا وصلنا لتضخم تحت الـ 5% كان المواطن حاسس استقرار في الاسعار وزودنا المعاشات والمرتبات 12 % تقريبا فالدنيا بدأت تمشي ".