السيسي يكشف سبب مداخلاته التلفزيونية؟

رحب الرئيس عبد الفتاح السيسي، اليوم السبت، بالإعلاميين المشاركين في حفل افتتاح مشروع "مستقبل مصر" للإنتاج الزراعي.

وقال السيسي خلال كلمته في افتتاح مشروع مستقبل مصر للإنتاج الزراعي: "أهلاً بأهل الإعلام، والقصة هنا قصة المعرفة وإدارة جيدة، حد يقول ليه بتدخل البرامج، ويقول هل عنده وقت؟ أنا عندي وقت عاوز أعرف هنشكل فهمنا ووعينا للناس إزاي، عاوز الإعلاميين وضيوفهم لما يتناولوا قضية يتناولونها بشكل شامل وعميق، بحيث اللي يسمع يستفيد، ولا محتاجين نعزز الكلام أكثر ونلقي الضوء عليه أكثر".

وأضاف الرئيس السيسى: "الكلام اللي بيقولوا هنا وفي افتتاح المشروعات المختلفة أنا حافظه، مش عاوز أقول كده، لما بقف هنا واقوله، وبقول 100 ألف فدان صوب، 100 مليار جنيه للصوب، في تحدي لبلدي وأهلي وناسي، أنا عرفت وبجري عليها".

وتابع: "ليه سيدنا يوسف ساب القمح في سنابله، لو كان عمله حصاد وبقى موجود كمحصود، مش يستحمل 3 و4 سنين ويتلف، والذرة مش بتستحمل التخزين لأنها تحتاج إلى التجفيف، بنتكلم عن دول متقدمة بتوفر لنا ذرة، لكن بعد تجفيفه وعلشان يتحمل النقل والتصدير والتخزين بعد كده، وقبل كده ده مكنش بيتعمل.. على مسطحات ضخمة، المجففات اللى بتكلم عليها، تخزين الذرة يحتاج إلى التجفيف، بنقول كده علشان نعزز ونضيف قيمة للذرة".

ويفتتح الرئيس عبد الفتاح السيسي، صباح اليوم السبت، مشروع مستقبل مصر للإنتاج الزراعي، وفق ما صرح به السفير بسام راضي، المتحدث باسم رئاسة الجمهورية.