السيسي: الكلام الذي يُقال في حق المسؤولين "صدقة جارية"

ذكر الرئيس عبد الفتاح السيسي، اليوم السبت، الجماعات التي تردد الأكاذيب والشائعات حول الدولة المصرية والمسئولين.

وقال الرئيس السيسي، خلال كلمته في افتتاح مشروع مستقبل مصر للإنتاج الزراعى: "فيه جماعات تردد الكذب بكلام لا يليق، كلام كله كذب وبهتان وإفك، مش ممكن، لكن ربنا موجود ومطلع وشايف".

وتابع السيسي: مفيش كلمة بتتقال وتكتب إلا وصاحبها حسابه على ربنا، إذا كنت تؤمنوا بوجود ربنا، ربنا اللى هيحاسب، كلام كله إفك وبهتان على الناس، ده مؤمن بوجود ربنا، الكلام ده هيحاسب عليه، بيكتبوا كده".

وأضاف الرئيس السيسى أن: "الكلام ده اللى بيتقال في حق المسؤولين صدقة جارية، يعنى كل مسؤول يساء له ويتقال فيه كلام مش مضبوط كذب، أو حتى من الموضوعات دي كذب، سواء كنت تقصد أو مش تقصد".

وتابع الرئيس السيسي: "لأنى قولت قبل أن المرء ليصدق حتى يكتب عند الله صديقا، لا تبلغ ما لا تعلمه، يعنى مش سمعت حاجة تروح مرددها، طالما هتنشر لازم تذاكر كويس، أعراض الناس لما يساء ليها، دي صدقة جارية عنهم، كل ما يقرأها المسؤول يلاقي الأجر جاي له، أصلهم شتموتك وأساءوا إليك، ودي أجر الإساءة، الحكاية مع ربنا، ده مثقال ذرة خيراً يرى، ومثقال ذرة شرا ًيرى، كل واحد أجره على الله".

ويفتتح الرئيس عبد الفتاح السيسي، صباح اليوم السبت، مشروع مستقبل مصر للإنتاج الزراعي، وفق ما صرح به السفير بسام راضي، المتحدث باسم رئاسة الجمهورية.