أكد الرئيس عبد الفتاح السيسى، أن إنشاء مدينة الروبيكي تم بشكل متكامل، متابعا: "الروبيكي مش مجرد نقل فقط.. وقدرنا نواجه التحديات والمشاكل لما الدولة تدخلت.. قدرنا نقنن الأوضاع"
وأضاف الرئيس السيسي، خلال كلمته في افتتاح مشروعات قومية جديدة، قائلا: "أنا بقول الكلام ده ليه.. وبسمع الناس إن إحنا لما الموضوع اتأخر في الروبيكي.. اتأخرنا 20 سنة.. الـ20 سنة دول على حساب حاجات كتير رغم أنه الموضوع بقاله 50-60 سنة.. لما نقلنا هناك طورنا بحوالي مليار جنيه"
وقال الرئيس السيسي: "الروبيكي لما تصدينا للموضوعات دي كلها وقدرنا نحلها.. وكان وقتها الوزير طارق قابيل يتولى وزارة الصناعة.. قلت له لما تنقلوا الناس من مجرى العيون والمدابغ.. في معالجة الأرض بتاعة مجرى العيون اتكلفنا حوالي 3-4 مليار جنيه.. علشان نشيل النيكل والكروم".
أكد الرئيس عبد الفتاح السيسى، أن الدولة تنفذ نموذجا جيدا خلال العمل في مجال الصناعة، الروبيكى نموذج قابل للنجاح في ظل التطور الكبير الذى يشهده العالم، قائلا: "بقول الكلام ده للناس اللى شغالة في الصناعة.. لازم نعمل حاجة قابلة للنجاح.. التطور مش في مصر بس.. ده في الدنيا كلها.. حد هيجى يقولك الاشتراطات البيئية انت عامل فيها ايه.. فيه كلام كتير".
وأضاف الرئيس السيسى: "ممكن البضائع كويسة ويصعب إنفاذها في الأسواق الخارجية.. تجربة الروبيكى مش نجحت إلا لما الدولة تدخلت.. الروبيكى تجربة نجحت لما الدولة دخلت.. وجه المهندس طارق – وزير الصناعة وقتها- قالى مش قادرين ننقل الناس.. انقل الناس على حسابنا.. قولتله ننقلهم على حسابنا .. قولتله ماشى.. ودفعنا 100 مليون جنيه على حسابنا.. حد تانى يقول لا انتم بتدلعوا".
وتابع الرئيس السيسى: "بنديله المكان اللى قاعد فيه وكل حاجة.. بناخد الناس على قد تجربتهم.. انا شايف الصح وصاحب المصلحة أن البلد تطلع قدام.. والناس تغنى ويبقى عندها طاقات وعمر الصناعات البسيطة ما تعمل غنى".
ووصل الرئيس عبد الفتاح السيسي إلى محافظة قنا، لافتتاح عدد من المشروعات القومية، وذلك في إطار جهود الدولة لتحقيق نهضة تنموية وخدمية متكاملة لأهل الصعيد.
وصرح متحث رئاسة الجمهورية، السفير بسام راضي، بأن افتتاحات اليوم تأتي ضمن فعاليات أسبوع الصعيد في إطار جهود تحقيق نهضة تنموية وخدمية متكاملة لأهل الصعيد.
تابعوا آخر أخبار العقارية على Google News
