تعليق ناري من «السيسي» عن فتاة أسيوط: «لو اتكلمت وزيرة الصحة هتزعل مني»

عقب الرئيس عبدالفتاح السيسي، على حادث «فتاة أسيوط» التي

تعرضت للدهس من سيارة نقل أثناء سيرها، خلال مؤتمر الإعلان عن الاستراتيجية

الوطنية لحقوق الإنسان.

ووجه «السيسي» حديثًا للإعلامي شريف عامر، قائلًا: «أنت فاكر

يا أستاذ شريف لما ألاقي منة تطلب علاجها في أسيوط، إحنا مش قادرين نقدم علاج فبنقدم

علاج تمييزي؟ علاج تمييزي يعني في أسيوط مش بتتعالج البنت كويس، ويبقى فيه استغاثة

ومطلوب إننا نتدخل عشان تتعالج، دة كلام؟ هو فيه دولة كدة؟ العلاج يتقدم لأي إنسان

وأي مستوى». 

وقال الرئيس السيسي: «لو اتكلمت وزيرة الصحة والحكومة

هيزعلوا مني، البنت متتعالجش كويس في أسيوط ويبقى فيه استغاثة عشان نتدخل هو ده كلام

في دولة كده؟».

وأضاف الرئيس: «ده حق، طب أنا قدرت أقدمه؟ أنا بتكلم بعد

7 سنين، هل قدرت أقدمه؟ مقتدرتش ومش قادر أقدمه، ممكن وزيرة الصحة تزعل، استهدفت بمبادرات،

وقولت هخش على قضايا بعينها أحلها، فيروس سي، أشيل من المجتمع المرض دة بفضل الله،

أخش على حاجات أخرى زي الكشف عن أمراض السارية وغير السارية، ما أنا مش قادر أعمل كله».

وتابع: «المفروض النظام اللي موجود في الدولة دي يحل مسائل

الدولة المصرية، الدكتور مصطفى هيزعل مني ووزيرة الصحة والحكومة، لأ إحنا بننقد ذاتنا

وأمناء مع نفسنا».