بعد وفاة سامح عبد العزيز| الفنان سامي العدل يعود للأذهان.. ما السبب؟

صدمة كبيرة أصابت الوسط الفني والجمهور بوفاة المخرج الكبير سامح عبد العزيز، منذ ساعات قليلة، بعد وعكة صحية مفاجأة ألمت به خلال الأيام الماضة، ورقد على إثرها في أحد المستشفيات إلى أن وافته المنية.

علاقة المخرج سامح عبد العزيز بالفنان الراحل سامي العدل

ومن مفارقات القدر أن يرحل المخرج سامح عبد العزيز في نفس اليوم الذي توفي فيه الفنان سامي العدل منذ 10 سنوات.

وفي ذلك الصدد، قالت الفنانة رشا سامي العدل: "وجعت قلبي وقهرتني علي الصبح أكتر ما هو موجوع، في ذكرى وفاة بابا مشيت ورحلت عنا، أنا عمرى ما طلعت الكلام ده ولا قلته أو وريته لحد بس حقك عليا دلوقتي أقول وربنا يشهد على كلامي إنك من أجدع الأصدقاء ومن أوفاهم".

وأضافت: "أنا منزلة موقفين من ضمن مواقف كتير معايا أنا شخصيا بس بعضهم شخصي بزيادة فامتنع عن نشرهم طبعا، لما بابا تعب سامح كان رغم شغله وانشغاله في موسم رمضان متابع معايا لحظة بلحظة تليفونات طبعا ورسايل ماسنجر وهو مشغول، وطبعا زيارات رغم إن ماكانش يسمح بزيارات قوي يعني بس ده مامنعش انه يجرب وييجي وماسابنيش طول فترة تعب بابا وبعدها كان بيحرص إنه يتطمن عليا من حين لآخر ويسأل لو محتاجة حاجة أو ناقصني شيء".

وتابعت:" لما فتحت مشروع صغير على قدى وقررت أعمل أكل وأبيعه كان أول واحد عايز ومصمم يشاركنى ونفتح مطعم في القاهرة، وكل شوية يكلمني هاه ياللا بقي وأنا اقول له لسه شوية على الخطوة دي يا موحا وأنا نفسيا مش قادرة أنزل القاهرة دلوقتي، يسكت أسبوع كدة أو اتنين ويرجع يكلمني يا بنتي فكري بقي تعبتيني ".

وأردفت: "أقوله ما احنا لسه متكلمين يقول لي ولسه برضه بتعندي، ويقعد يحاول يقنعني طيب يا رشا إنتي بالمجهود وأنا راس المال، أقول له مش ده اللي معطلني يسيبني شوية ويكلمني تاني يحاول يشجعني على الخطوة وهكذا ".

وفاة المخرج سامح عبد العزيز

وأعلن الفنان أشرف زكي نقيب المهن التمثيلية، صباح اليوم الخميس، عبر حسابه الخاص في موقع "إنستجرام"، وفاة المخرج سامح عبد العزيز.

وقال نقيب المهن التمثيلية:" البقاء لله المخرج الكبير سامح عبد العزيز، والجنازة عصرا من مسجد الشرطة الشيخ زايد".