قال الرئيس عبدالفتاح السيسي، رئيس الجمهورية، اليوم الإثنين، إن الدولة لما فكرت تنشئ مشروع محور المشير أبو ذكري في غرب الإسكندرية، كانت الحركة بالنسبة له غير يسيرة، مضيفًا: "النهارده هتقدر تروح الصحراوي من خلال 6 حارات للمحور في كل اتجاه".
وأضاف الرئيس السيسي خلال كلمته في حفل افتتاح محور التعمير بالإسكندرية: "المشروع يُقام على مساحة 1500 فدان.. وده رقم مش بسيط.. ثم التصميم والإجراءات اللي اتعملت علشان يخرج المشروع في أبهى صورة.. وبقول كده علشان لما نيجي نعمل تسكين من خلال الإسكان المتوسط أو الاستثماري حط في الاعتبار أننا حطينا كل عوامل النجاح والجذب اللي تخليكوا حاسين بالراحة على مكان بيوفر كل شيء.. بدءًا من المكان نفسه وتصميمه".
وتابع السيسي: "لما نيجي نتكلم هنا في إسكندرية 140 ألف وحدة.. والبرنامج لسه مخلصش وحتى لو وصلنا لـ 200 ألف وحدة.. لو كنا بنقول إن إسكندرية 4 أو 4 وشوية ساكن.. فاحنا رايحين خلال مدة زمنية مش كبيرة اوي لرقم ربما يزيد حوالي 500 ألف أو مليون خلال الكام سنة الجايين.. واحنا عارفين أن الكتلة السكنية داخل الإسكندرية وكثافة السكان بقت كبيرة اوي.. وأي حد هيفكر يزود ده داخل الإسكندرية هنبقى بنحط ضغط كبير على مرافقها والبنى التحتية للمدينة".
تابعوا آخر أخبار العقارية على Google News
