قال الدكتور محمد معيط وزير المالية، معلقًا على حل قضية أموال التأمينات والمعاشات، "عاملين حسابنا من 2014 وفي خلال 7 سنين من وقتها هنكون دخلنا 1.7 تريليون جنيه خلال هذه المدة، وخلال 50 سنة منذ بدء العمل بالقانون يكون 45 تريليون جنيه".
وتابع معيط تعقيبا على كلام الرئيس عبدالفتاح السيسي بالجلسة الختامية للمؤتمر الاقتصادي مصر 2022: "المبلغ اللى اتاخد من خلال تحويل فوائد المعاشات لبنك الاستثمار القومي كانت بتستخدم في تمويل الخطط الاستثمارية ومخلقتش فوائد لأموال التامينات والمعاشات حتى أصبحت هناك مشكلة في تسديد المعاشات وفقا لاحكام القانون ..والحل اللى عملناه يقدر يضمن قدرة النظام على سداد المعاشات".
تابع الوزير قائلا: "المعاشات تراكمت وعملت مشكلة كبيرة وأثرت على المعاشات ولكن اللى حل المشكلة الخزانة العامة للدولة، وليس النظام نفسه، لأنه لم يستطيع حل المشكلة منذ 1975.
وقال الرئيس عبد الفتاح السيسي فيما يتعلق بالمعاشات، قائلا: "حد يطلع يقول زودوا المعاشات شوية، الدكتور محيي خدوا 400 مليار، هدفعهم 40 تريليون جنيه حتى عام 2052".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "لما جت القضية اللى رفعها الله يرحمه البدري فرغلي، وقال خدتوا فلوس الغلابة والمعاشات، نحل المسألة دى إزاى؟ مش كده يا دكتور معيط، 400 مليار، حد قال لو قعدوا زي ما هما في البنوك طول المدة دى كانوا جابوا كام؟ تفتكروا الرقم كان يكفى؟"
تابعوا آخر أخبار العقارية على Google News
