ياسمين عز للستات: ادي لجوزك أكبر حتة من الفرخة.. وفكي القمطة

شهدت الساعات الأخيرة، تصدر المذيعة ياسمين عز مؤشر البحث على موقع البحث الشهير "جوجل" وذلك عقب تصريحاتها المثيرة، والتي لاقت حالة من الانقسام ما بين مؤيد ومعارض، خاصة وأنها جاءت مؤيدة لموقف الرجال وأثارت غضب السيدات.

أحط فساتيني الماركات تحت رجل زوجي

وقالت ياسمين عز خلال تقديمها برنامجها المذاع عبر قناة "إم بي سي مصر": "البيت بفلوس الراجل وتيجي مراته تقوله اقلع الجزمة علشان السجادة، ده أنا أحط فساتيني الماركات تحت رجله يمشي عليها".

وتابعت: "بتزعقي لجوزك ليه عشان بيدوس على سجادة الصالون بجزمته .. ما هو جايبها بفلوسه ومن حقه".

الست اللي بتقول حاضر دي ملكة مش خدامة

واصلت ياسمين عز حديثها قائلة: الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا في مصر".

في ذات الصدد، أكملت ياسمين عز بالقول: الراجل من حقه يمسك تليفون مراته زي ما هو عايز والست مش حقها تمسك تليفونه وتتجسس عليه

واختتم قائلا: الراجل عينه زايغة!! مهو طول ما بيشوفك ضاربة البوز وعاملة " القمطة " في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة؟