كتير مننا بنتابع صفحات وجروبات علي الفيس عشان نلاقي انظمة اكل مناسبة لينا او عشان نعرف الطريقة الصح لممارسة الرياضة من غير اي ضرر علي اجسامنا وصحتنا، المعادلة دي بتكون صعبة جدًا في ظل صفحات كثيرة هدفها بيع الوهم للناس وايهامهم ان في يومين تلاته هيقدروا يحققوا كل اللي نفسهم فيه ويبقوا زي البيج رامي ويعيشوا حياة صحية جميلة ولكن النتيجة بتكون عكس كدا خالص، لكن الموضوع ابسط من كدا خالص مع Health Keepers، ازاي ؟ تعالو نعرف.
حول جروب Health Keepers
جروب Health Keepers جروب من ضمن الجروبات علي الفيس المتخصصة في الحياة الصحية، جروب بيحاول يطلع عن المألوف ويقدملك كل النصائح المفيدة التي هتخلي صحتك احسن من البيج رامي نفسه - مش للدرجة يعني - ويحاول يقدملك كل المفيد عن التمارين الرياضية الصحية وازاي تظبط جسمك بشكل مناسب، كل دا طبعًا بدون مقابل لأن الجروب هدفه هو المساعدة علي بناء مجتمع صحي من الناس وعشان الناس.
ليه انضم للجروب واتابعه ؟
في اسباب كتيرة تخليك تتابع الجروب وانت فرحان ومنشكح منها علي سبيل المثال:
- انك هتلاقي مجموعة من المدربين المتطوعين اللي هيقدمولك النصائح عشان تعيش حياة صحية.
- انك هتلاقي الادمنز حريصين علي نشر كل المعلومات الموثوقة عن الطعام الصحي وازاي تظبط نظامك الغذائي
- انك هتلاقي الدعم النفسي ليك واللي هو اهم عامل مؤثر علي صحة الانسان.
- هتلاقي الناس بتحاول تساعد بعض بالإجابة علي اسئلتك عن الرياضة والأكل.
- هتلاقي تجارب الناس المختلفة لأنواع اكل جديدة وبيشرحوا للناس فوائدها واضرارها قبل ما تجربها.
ومميزات تانية كتير تخليك تتابع الجروب عشان زيادة وعيك الصحي والرياضي وتخلي قعدتك علي السوشيال مفيدة ولذيذة
تقدر تتابع جروب Health Keepers : من هنا
تابعوا آخر أخبار العقارية على Google News
