رسالة غريبة تكشف سبب إنهاء فتاة جامعية لحياتها قبل تخرجها بيومين: مش مسامحة أبويا وأمي (صور)

أنهت فتاة جامعية حياتها، في مركز بلقاس بمحافظة الدقهلية، بعد أن تناولت حبة الغلال، نتيجة مرورها بحالة نفسية سيئة.

وفاة فتاة بلقاس بحبة الغلال

تلقى اللواء مروان حبيب، مدير أمن الدقهلية إخطارًا من مدير المباحث الجنائية، يُفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعى " رنا. ج " 22 عامًا، مصابة بحالة إعياء شديدة نتيجة تناولها حبة الغلال.

وانتقل ضباط المباحث الجنائية، على الفور المستشفى، وتبين أن وفاة الفتاة جاء نتيجة مرورها بحالة نفسية سيئة، وأنها كانت تعاني من اكتئاب بسبب معاملة أهلها.

يُشار إلى أنه تحرر المحضر اللازم للواقعة، وجاري العرض علي النيابة العامة.

رسالة فتاة بلقاس قبل وفاتها

كتبت فتاة بلقاس عبر موقع التواصل الاجتماعي "فيسبوك": أنا حزينة، حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي، واستحملت كتير أوي، بس أنا إنسانة عندي طاقة مش قادرة استحمل كل ده لوحدي، أنا بس "كنت محتاجة حد يطبطب عليا"، وياخدني في حضنه أنا عمري ما حسيت بحنية أم ولا أب ولا أخوات ولا أصحاب.

وتابعت فتاة بلقاس: أنا عايشة لوحدي حرفيًا رغم وجود الناس دي حوليا، أنا لوحدي والوحدة وحشة أوي ومُتعبة أوي، أنا اتهلكت واتأذيت واتخذلت من أناس ليا وفي الآخر يتقال لي "معلش"، ومحدش بيكلف نفسه ويفكر فيا، ولا يفكر في إحساسي، أعيش ليه، أعيش لمين، أنا في الوقت ده كنت عاوزة بس اللي يحسسني إني استاهل أتحب، وإن حد يفضل معايا عشاني، عشان بيحبني.

وأكملت الفتاة: أنا حاربت الناس كلها عشان أبقى كويسة وكل محاولاتي فشلت، تأكدوا إني موصلتش لهنا بسهولة كده، لا والله أنا عافرت عشان موصلش بس للأسف الحزن كان أقوى مني، أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرة، أنا كنت لوحدي ودلوقتي لوحدي فأتمنى محدش من أهلي يحضر جنازتي لأني ماشية زعلانة زعلانة منهم كلهم، ومش مسامحة فحق نفسي أبدًا، أدعو لي بالرحمة أفتكروني بالخير، وأتمنى متنسيش زي ما كنت منسية.

وقالت فتاة بلقاس: قولوا للشخص اللي ختم نهاية حياتي إنه كان أملي الوحيد وللأسف خذلني، عرفوه إني كنت بحبه، عرفوه إني خلاص فارقت الدنيا دي، وأنا حزينة وزعلانة على نفسي، وهيعرف بالصدفة أني موت زيه زي ناس كتير أوي كانت فحياتي، حفلة تخرجي بعد بكره هي مش حفلة تخرجي من الكلية بس، ومن الحياة كلها، أدعولي ربنا يسامحني ومحدش يقولي ماتت كافرة لأن الكُفر هو إني أفضل عايشة مأذية ومنسية ووحيدة.