تحدث الإعلامي أحمد موسى، عن قرار إغلاق الإنارة بميدان التحرير، مطالبا رئيس الوزراء بضرورة إعادة النظر فيه، «ليا طلب بسيط، ميدان التحرير ميدان ثورتنا العظيم في 30 يونيو، عندنا سياحة كبيرة عربية وأجنبية والناس بتحب تروح ميدان التحرير».
وأوضح موسى خلال تقديم برنامج «على مسئوليتي»، أن «أحد أشقائنا تكلمنا وقالي أنا زعلت، أنا بحب اتمشى في مصر، ليه ميدان التحرير يبقى ضلمة»، متابعا: «نقلل الإضاءة لكن مينفعش يكون ده مشهد ميدان التحرير، أنفقنا على هذا الميدان ما بين 60 إلى 80 مليون عشان ينور الميدان ده الدنيا».
وأردف: «الناس بتحب تتمشى وتتصور في ميدان التحرير، نرشد لكن مينفعش يكون ظلام، لازم يكون فيه نور، الميدان محاط بالفنادق السياحية، وأرجو من رئيس الوزراء عودة الإضاءة للميدان ولو بنسبة 30% إلى 40%»، مضيفا: «الميدان شهد أعظم صورة في تاريخ مصر، ومينفعش يكون مظلم».
تابعوا آخر أخبار العقارية على Google News
