أكتر حد أذاني.. شيرين عبد الوهاب عن حسام حبيب: كرهني في عيشتي وبناتي - فيديو


الاربعاء 20 يوليو 2022 | 04:06 صباحاً
شيرين عبد الوهاب وحسام حبيب
شيرين عبد الوهاب وحسام حبيب
العقارية

قالت الفنانة شيرين عبد الوهاب إن طليقها الفنان حسام حبيب تسبب في الأذى لها بعدما ظل يستفزها حتى قامت بحلق رأسها، قائلة “أنا أصريت فيما بعد على تقديم حفل وأنا حليقة الرأس حتى لا تتعرض بناتي لعقدة”.

وأردفت شيرين، خلال مداخلة هاتفية في برنامج "كلمة أخيرة"،: «تأذيت من نفسي أني طلعت أغني وشكلي كده بس أنا قوية وبتحمل ومكنش فيه حاجة ممكن أعملها عشان بناتي»، مضيفة: «لما رجعنا بعد الطلاق البائن نقض عهده وعاد لممارساته مرة أخرى وبدأوا البنات يشوفوا نفس الخناقات ونفس التصرفات وكان بيدخل في كل شيء وكل صغيرة وكبيرة لأنه إنسان فاضي معندوش شغل».

وأضافت الفنانة شيرين عبد الوهاب: «كرهني في عيشتي وبناتي، وقت حلاقتي لشعري هو السبب فيها جالي في فندق الفورسيزون وقتها واتخانق معايا وصالحني وقلتله امشي دلوقتي لحد ما أهدى لكنه أصر على البقاء وقلي إنزلي معايا دلوقتي للمأذون عشان نطلق وقلتله يعني أنا شيرين عبد الوهاب أبقى نازلة في أوتيل أنزل بقميص نوم عشان أتطلق، طيب ماتروح ياعين أمك تجيب المأذون في الأوتيل أو تقف زي الرجالة وتقلي إنتي طالق وتمشي لكنه رفض وظل يستفزني لحد ماحلقت شعري بالماكينة».

وجددت لميس الحديدي سؤالها: «إنتي بتحبيه ولا لا؟»، لتجيب شيرين ساخرة: «حبته عقربه ما تقوم منه أنا في حياتي لم أتعرض للأذى من أي شخص مثلما تعرضت لذلك معه، ده إنسان قلبه أسود وفاضي وبيغتاب كل الناس ولو كنتي إنتي يا لميس صحبتي كان اتهمك أنك بتحاولي تفرقي بيني وبينه».