السيسي: القطاع الخاص قادر على إدارة عمله بكفاءة عالية

أشاد الرئيس عبدالفتاح السيسي، رئيس الجمهورية، اليوم السبت، بكفاءة القطاع الخاص.

وقال الرئيس السيسي، خلال افتتاح مشروع مستقبل مصر للإنتاج الزراعي: "ثبت أن القطاع الخاص قادر على إدارة عمله بكفاءة عالية، ومن 50 سنة كانت الحكومة بتوظف، لكن خلاص، ثم إن التجربة والمسار عمل إيه؟ يا ترى كان لصالح الاقتصاد والتشغيل؟، ولا كان عبء على الدولة وتقدمها".

وأضاف السيسي أن "أنا عرفت وبجري عليها، وأنا قايل مين الشركات المصرية اللى عندها استعداد تعمل الصوب؟، علشان أعمل 15 ألف فدان، لأن إنتاجهم مش زي إنتاج الفدان العادي، يبقى أنا وفرت نص المياه، وشغلت ناس".

وتابع الرئيس: "توفير فرص عمل، 900 ألف بينزلوا سوق العمل سنوياً، طيب محدش قال الناس دي هتعيش إزاي؟ الشغل اللي أنتوا شايفينه ده اللي بيعمله ويديره كنت اتمنى المستثمرين يقوموا بالشغل ده بس مقدرش أقولهم اعملوا البنية الأساسية للمشروع ده، لكن أنا هأخد ألف فدان وأزرعه طبقا للدورة الزراعية لك وللبلد علشان تحقق أرباحك".

وأشار الرئيس السيسي إلى "مزرعة اللاهون في الفيوم كانت من المحافظات اللى محتاجة تشغيل كويس، و30 ألف بني أدم ياخد قرشين يعيش بيها هو وأسرته برضه".

ويفتتح الرئيس عبد الفتاح السيسي، صباح اليوم السبت، مشروع مستقبل مصر للإنتاج الزراعي، وفق ما صرح به السفير بسام راضي، المتحدث باسم رئاسة الجمهورية.