السيسي: البلد كانت هتتهد لو منفذناش خطة عاجلة للكهرباء

علق الرئيس عبد الفتاح السيسي، على أزمة الكهرباء، التي عانت منها مصر طوال الفترة الماضية، قائلًا: المصانع لو قفلت الناس هتمشي.. والناس هتبقي بره والبلد دي هتتهد، ولا بد من حل المشكلة في أسرع وقت ممكن، وخطة وزير الكهرباء العاجلة كلفت الدولة 2 مليار جنيه كنا ممكن منتكلفهمش لو مشينا بالمسار الطبيعي دون الخطة العاجلة، بس مفتكرش إننا كنا هنستحمل سنتين بالصورة اللي ماشيين بيها.. اللي بنعمله ده ومستهدفينه بنحصله ولا لأ، لو بنحصله يبقي ناجحين، ولو مش بنحصله هيبقي فيه عجز هتتحمله الدولة، والدولة لن تستطيع لأن أعباء تلك المشروعات ضخمة.

وأضاف الرئيس السيسي خلال كلمته بافتتاح عددا من المشروعات التابعة لقطاع الكهرباء بمحافظات الصعيد : إحنا كنا شايفين إن الأمن القومي في مصر ممكن يتأثر جدا بالحته دي، ثم إننا نكون دولة ذات شأن وننمي أنفسنا وندي فرصة للقطاع الخاص والاستثمارات والصناعة إنها تنمو وتستقر، لأنه لو مفيش كهرباء الناس مش هتشتغل وتتقفل المصانع.