قال الرئيس عبد الفتاح السيسي خلال مشاركته في الندوة التثقيفية رقم 42 المقامة في مركز المنارة بالقاهرة الجديدةاليوم الأحد، إن هذا اليوم من الأيام الجميلة إن شاء الله وأنا متفائل جدا جدا بحالنا دلوقتى، يمكن فى الكلمة هقول بعض النقاط الإيجابية التى حققناها والتى ساعدنا فيها ربنا كالعادة".
وأضاف الرئيس السيسي، "وعاوز أقولكم الحرب مش بس بالسلاح لكنها بالمعرفة والاقتصاد والعلم والوعى والإرادة وبالثقة والتحمل كلها من أشكال الأسلحة، علشان كده عملوا حكاية السفارات "مكر والله.. كذب.. وإفك" لكن هي السياسة كده لكن الله سبحانه وتعالى مطلع.. شفتوا العزة؟ مش احنا.. هو دائما ربنا ما يحرمنا أبدا من دعمه ومن نصره ويشرفنا دائما برضاه دائما وأبدا".
وقدم الرئيس السيسي خلال الندوة التثقيفية للقوات المسلحة، التحية لمجموعة من أبطال حرب أكتوبر المشاركين في الندوة التثقيفية للقوات المسلحة قائلا: "يوم جميل قوي إن إحنا نلتقي بأبطال عملوا وصنعوا وأعادوا العزة لمصر".
وأضاف الرئيس السيسي : "متشرفين بوجودكم معنا.. واسمحولي أن نقدم لكم التحية تاني وتالت ورابع.. مش هتفوتني الفرصة.. أن أبقي موجود وأتصور معاكم".