أموال العملاء اتسحبت.. مفاجأة صادمة لمستخدمي فودافون كاش | هل تعود الفلوس؟

شهدت الساعات الأخيرة، تصدر محفظة فودافون كاش تريندات مواقع التواصل الاجتماعي، حيث أثار الأمر قلق الكثير من المصريين، وذلك بعد الحديث عن حدوث اختراق للمحفظة، حيث فوجيء العديد ممن يضعون أموالا في محافظ بعض شركات الاتصال بأنهم فقدوا أموالهم المودعة بالمحفظة.

 

تعطيل نظام فودافون كاش

وأثارت عملية تعطيل النظام "السيستم" ببعض شركات الاتصالات، ومنها فوادفون، وبأن أموالهم المودعة غير موجودة، أو تم سحب جزء من هذه الأموال، مخاوف العديد من نشطاء مواقع التواصل الاجتماعي والبلوجر، حتى أن البعض أعرب عن قلقه بهذا الشأن.

الخلل الذي تشهده شركات الاتصالات دفع البعض للاعتقاد أن هناك هكرز اخترقوا أنظمة شركة فودافون وقاموا بسحب الأموال، الأمر الذي نفاه بعض المسئولين في الشركات، مؤكدين أن ما حدث مجرد عطل تقني فى الخدمات، وأن الأموال التي تم سحبها ستعود لأصحابها مع نهاية اليوم.

مخاوف المصريين لسحب أموالهم من محافظ شركات الاتصالات

علق البلوجر محمد سراج فقال: "الناس اللي عامله محفظة فودافون كاش .. ما تقوم تطمن علي فلوسك"

أما الناشط هشام ميديا ماركتنج فقال: "فودافون كاش حصلها ايرور.. والمحافظ بقت بالسالب قوم اطمن على فلوس محفظتك ومنشن لكل اللي تعرف عندة محفظة فودافون كاش عرفهم"

وعبرت سيدة الأعمال صفاء غنيم عن مخاوفها فقالت: "الناس اللي اتخصم منها فلوس من فودافون كاش النهاردة الصبح، رجعت ولا لا ضروري.. لأنه مبلغ كبير فانا مش عايزة أقوم بأي إجراءات لأنهم وعدوني وقالو هيرجع.. مش عارفة قالو مشكلة في السيستم".

وردت إحدى المتخصصات وتدعى شروق التوانسي، فقالت: "دى مشكلة سيستم وبيحلو فيها فى جزء من الأرقام الفلوس رجعت الكاش بتاعهم وباقى الأرقام هترجعلهم فلوسهم".

سحب أموال من فودافون كاش

وعبرت الناشطة نسرينا زاهي عن مخاوفها، فقالت: "خصموا مني 2100 اللي رجع بس 400"

أما الناشطة دينا محمود فقالت: " كان معي 1047 دلوقت بقت 911"

وقال الناشط أمير العفيفي: "حقيقي اتخصم مني 540 جنيه مش هسيبهم"

وعلقت شروق سعد قائلة: "سحب مني ٣٥٠جنيه ورجعوا تاني"

في حين قال مدير عام بالسياحة جلال رشدي " انا ضاع عليا ١٢٠٠ جنيه في فودافون كاش.. ولسة ما رجعوش"

ورد الناشط أبو فيصل قائلَا: " كل الشركات مش فودافون بس والفلوس حسب خدمة العملاء هترجع عادي آخر اليوم بعد تحديث السستم.. رجعت الفلوس عند غالبية الناس"

في حين قال البلوجر طارق عباس: "فيه مشكلة عامة في فودافون كاش.. وناس اتسحب منها فلوس مش عارفة راحت فين وناس مش عارفة تفتح الخدمة.. وحاجة في منتهى العبث.. احنا نرجع لأيام الجنيه الجبس وصرة الدنانير.. بلا تكنولوجيا بلا وجع دماغ"

اختراق أم عطل؟

وقدم البلوجر عادل شاهين نصيحته فقال: "اختراق شركة فودافون كاش واتصالات.. وسحب أموال العشرات من العملاء من المحفظة الالكترونية الآن… كل واحد يطمن على فلوسه بسرعة.."

وعبر الناشط حسام حسن عن مخاوفه فقال: "عندي مبلغ كبير المحفظه عندي مش شغاله"

وقال دكتور رضا علام، أستاذ اللغويات جامعة طنطا: "أنا فعلًا اكتشفت إن رصيد فودافون بتاعى نقص النهارده.. بس لو كان هكر ووصل يأخذ من رصيدى كان أخذ الرصيد كله"

ورد الناشط محمود عباس قائلًا: "ممكن يكون عطل فى النظام لو من داخل الشركة اكيد الحسابات هترجع تانى انما لو هكر هتبقى مشكلة"

وعلق الناشط أحمد زكي، فقال: "أختراق شركة فودافون كاش وسحب أموال العملاء من المحفظة الإلكترونية... يوجد عطل عام فى خدمات فودافون كاش واتصالات كاش برجاء وقف اي تعاملات على المحافظ لتجنب تعليق فلوسك.. قوم اطمن علي فلوسك"

وقال الناشط أبو رضا: "على فكرة السيستم واقع من امس ومفيش حاجه ضاعت من حد كله شائعات وخلاص.. أنا من أمس مش عارف احول فلوس بسبب وجود عطل وكلمت الدعم وقالولي أن في خطأ وبيصلحوه"