عاجل.. الرئيس السيسي يتحدث عن وظائف بـ 100 ألف دولار سنويًا

تحدث الرئيس عبد الفتاح السيسي، عن فرص العمل المتاحة والكبيرة في مجال الاتصالات وتكنولوجيا المعلومات.

وظائف الاتصالات وتكنولوجيا المعلومات

قال الرئيس السيسي خلال افتتاح مركز البيانات والحوسبة: «ده أكبر قطاع ممكن، وبقول الكلام ده للمصريين والناس اللي بتعلم ولادها من الكلام ده.. بلد فيها 106 ملايين.. العنصر البشري المطلوب فيها قليل.. أرقام غير خالص اللى الدكتور عمرو طلعت وزير الاتصالات فرحان بيها.. مصر لو عندها كوادر بشرية متقدمة وهو بيتكلم هنا عن التعهيد.. ممكن أوى وما خرجتش عن المحاضرة والكلام بتاعنا».

مرتبات وظائف الاتصالات وتكنولوجيا المعلومات

أضاف السيسي: «بنبه المصريين لتعليم ولادهم في مراكز للثانوية العامة.. علشان يتعلموا التطور التكنولوجي.. فرص بتوفر 20 و30 و40.. المجال ده عاوز مليون كل سنة.. احنا في مصر فين؟.. ما جرحتش عن الكلام ده.. احنا بنعمل حاجات كتير اوي وكتير من الناس البسطاء مايعرفوش.. ولاد في إعدادي وابتدائي دلوقتي.. خليكم في اللى بنتكلم فيه.. على المستوي الثالث "البرمجة الحديثة" يعمل بـ 100 ألف دولار في السنة».

وأكد السيسي: «فرصة إننا نبقى أغنياء هتبقى قليلة لو ما علمناش أطفالنا التكنولوجيا.. بيقولولنا صرفتوا ده كله عشان ايه.. واحنا كمواطنين هنستفاد ايه.. بنستفاد إننا نجهز بلدنا للانطلاق الحقيقي في عالم بيتقدم بمنتهى السرعة في كل المجالات».

وأشار إلى أننا نجهز بلدنا للانطلاق الحقيقي في عالم يتقدم بمنتهي السرعة، موضحًا: «لدينا موقع جيد ويمكننا الاستفادة منه خاصة فيما يتعلق بالكابلات البحرية، ونحن كدولة كنا نجهز بنية أساسية لهذا الأمر بمليارات الدولارات".

وأضاف السيسي: «نحن نعد الدولة للانطلاقة بسرعة حول حفظ البيانات داخليا وناخذ الريادة فى ذلك، وكل وزارة لديها السرفرات الخاصة بها وتستطيع التفاعل مع باقي الوزارات بشكل جيد».

ملف الكابلات البحرية

أكد رئيس الجمهورية، مصر بذلت جهد كبير في ملف الكابلات البحرية، موضحًا أن مصر يمر بها 90% من الكابلات على مستوى العالم، لذا تعد مصر محور رئيسي لنقل البيانات بين الشرق والغرب.

وقال إن حجم الإنفاق الذي تم من الدولة لإنشاء مراكز البيانات المصرية يصل إلى مليارات الدولارات، مضيفًا: «تم صرف تلك الأموال من أجل تجهيز بدلنا للانطلاق الحقيقي في عالم يتقدم بمنتهى السرعة».

وبدأت فعاليات افتتاح مركز البيانات والحوسبة السحابية، بحضور الرئيس عبد الفتاح السيسي.