أحمد العوضي: ياسمين عبدالعزيز الحب الحقيقي.. والست مهمة في حياة الراجل (فيديو)

أكد الفنان أحمد العوضي، أهمية وجود المرأة في حياة الرجل، مشيرًا إلى أنه لا يمكن للرجل أن يعيش بدونها.

وقال «العوضي» خلال لقائه ببرنامج «ع المسرح» على قناة «الحياة»: «مفيش راجل ممكن يقدر يعيش لوحده وربنا لما خلق سيدنا اَدم خلق معاه حواء، وبالتالي اللي يفتكر ان الست مش مهمة في حياة الراجل ده دماغه تعبانة».

وأضاف: «الست مهمة جدا في حياة الراجل، الرجل ميعرفش يعيش من غير ست، ويمكن لو كانت أمي عايشة كانت عوضتني عن غياب الست في حياتي».

وعن الحب الحقيقي، قال «العوضي»: «أصدق حب كان لياسمين عبد العزيز، هي الحب الحقيقي والوحيد في حياتي، أنا عشت معاها أيام بفترات بمواقف بمراحل وهافضل أقول إنها الحب الحقيقي علطول، ومش هاعيش اللي عيشته مع ياسمين».

وتحدث أحمد العوضي أيضًا عن خسارة فقدان الأم، قائلاً: «خسارة الأم أكبر خسارة في الدنيا ممكن تحصل لحد حتى لو الدنيا كلها كانت جنبك، أنا مفتقد لوجود أمي الله يرحمه حتى معنديش أخت».