نزيف داخلي وكسور | القصة الكاملة لمحاولة اختطاف فتاة الشروق.. والسائق: ملمستهاش

كشفت جهات التحقيق المختصة تفاصيل واقعة محاولة اختطاف فتاة في منطقة الشروق على يد سائق شركة شهيرة.

محاولة اختطاف فتاة الشروق

وأكدت جهات التحقيق، فتحها تحقيقاتها الموسعة في واقعة محاولة اختطاف فتاة في منطقة الشروق على يد سائق شركة شهيرة، حيث أمرت جهات التحقيق، بسرعة إجراء تحريات المباحث حول الواقعة للوقوف على ملابسات الواقعة.

وتمكن رجال الأمن بالقاهرة من القبض علي سائق سيارة تابعة لإحدى شركات التوصيل الشهيرة لاتهامه بمعاكسة فتاة حال توصيلها بنطاق دائرة الشروق.

تعود تفاصيل الواقعة عندما تلقي قسم شرطة الشروق بلاغاً من فتاة يفيد أنها ألقت بنفسها من سيارة تابعة لإحدى شركات التوصيل الشهيرة بعد تعرضها للمعاكسة علي يد السائق .

وعلي الفور تم تحديد السيارة من خلال أبليكيشن عبر هاتف الفتاة وضبط السائق، وتحرر محضر بالواقعة ، وجاري العرض علي النيابة العامة للتحقيق 

اعترفات السائق المتهم 

أدلى السائق المتهم بمحاولة اختطاف الفتاة "حبيبة "بطريق السويس بمنطقة الشروق باعترافات لرجال الشرطة عقب ضبطه.

وقال المتهم إنه لم يحاول اغتصابها وأنه كان يقوم برش العطر داخل السيارة لتلطيف الأجواء.

وتابع المتهم: "ملمستهاش وهى فكرت انى بعاكسها ونطت من العربية واتعورت وانا هربت علشان خوفت من الحكومة"

إصابة حبيبة الشماع

وأصيبت فتاة تدعى حبيبة الشماع بنزيف داخلي وكسور وسحجات في مناطق متفرقة بالجسم، ونُقلت إلى المستشفى، بعد أن قفزت من سيارة متحركة.

وتداول رواد منصة التواصل الاجتماعي “فيسبوك” منشورًا لشقيقة الفتاة، كتبت فيه: "أنا بكتب الـ post ده علشان أحكي ليكم اللي حصل لبنت عمي، علشان أولًا عاوزاكم تدعولها ربنا يشفيها ويرجعها لينا بالسلامه، حالتها لسه في خطر"

وجاء في المنشور: “حبيبه فاقدة الوعي وعندها نزيف في المخ مش بيوقف و محطوطة على ventilator. حبيبة استقلت سيارة من التجمع الأول، وكانت رايحة مصر الجديدة الساعة 6:50. مامتها كلمتها في التليفون مكنتش سمعاها كويس علشان صوت الكاسيت كان عالي أوي”.

وذكر المنشور: "الراجل كان بيتخانق في التليفون. حبيبة طلبت منه يوطي الكاسيت قالها لأ وكان بيبرطم بالكلام. مامتها مكنتش سامعه هو بيقول إيه، قالتلها (ماله ده؟) حبيبه قالت لها: مش عارفه ماله وقفلت بعدها".

وورد في المنشور: "أصحاب حبيبه كلموها يشوفها وصلت فين، رد عليهم واحد قال لهم صاحبة التليفون دي وقعت من العربيه قعدت تتشقلب لحد ما اتخبطت في الحاجز الأسمنتي اللي على طريق السويس. ولما راح يسألها إيه اللي حصلك، قالت: Uber كان عاوز يخطفني وجالها تشنجات وفقدت الوعي".

واختتم المنشور: “أنا معرفش حصل إيه يخوفها بالشكل ده. ترمي نفسها والعربيه بتجري بس أنا عارفة كويس إن حبيبه بتخاف على نفسهاـ وأكيد هو رعبها والسواق اختفى بعد وقعت ولا طلب إسعاف ولا وقفلها وقفل موبايله. أنا عاوزه أختي ترجعلنا. ادعوا لنا. أنا عاوزة أجيب حقها”.