عاجل.. أول رد من الرئيس السيسي على إدعاءات إسرائيل بشأن غلق معبر رفح

شدد الرئيس عبد الفتاح السيسي، رئيس الجمهورية، اليوم الأربعاء، أن مصر لم تغلق معبر رفح على الإطلاق من أجل منع دخول المساعدات إلى قطاع غزة.

وقال الرئيس السيسي في كلمته خلال احتفالية ذكرى عيد الشرطة الـ 72: «بقول الكلام ده.. اتقال كلام كتير علي أن مصر هي السبب.. هقول كلمة صعبة.. أنا هروح من ربنا فين؟ّ!.. ولو أنا السبب في منع دخول لقمة عيش لغزة.. أروح من ربنا فين؟!».

وأكد الرئيس السيسي: «معبر رفح مفتوح على مدار 24 ساعة في 7 أيام في 30 يوم.. الإجراءات اللي بتم من الجانب الأخر "إسرائيل" علشان نقدر ندخل الحاجة هى السبب.. وده شكل من أشكال الضغط اللي بيمارسه الجانب الإسرائيلي على القطاع».

وتابع: «لا يمكن نقفل معبر رفح أمام عبور المساعدات لغزة.. ولازم تكونوا متأكدين من كده.. ومش لازم يطلع بيان هيئة الاستعلامات ولا الخارجية والداخلية ولا المخابرات العامة.. احنا مش بنعمل كده».

واستكمل: «كل حاجة تهون.. المهم سلامة مصر.. وعاوز أقولكم كل اللى مر وبنعاني منه بفضل الله وهو يسمع ويرى هينتهي إن شاء الله.. كل سنة وانتم طيبين.. يا رب احفظ بلدنا واحميها واكفيها من فضلك شكرا جزيلا والسلام عليكم ورحمة الله».