العالم المصري مخترع الواي فاي: كنا بنقول لبعض هنعمل إيه علشان الإنترنت ينتشر

كشف الدكتور حاتم زغلول العالم المصري مخترع شبكات الواي فاي، كيفية انتشار الواي فاي في مصر في ظل سيطرة أمريكا على شبكات التكنولوجيا.

وأوضح خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "واحنا شغالين علي المواصفات القياسية للواي فاي سنة 1999 كنا بنقول لبعض هنعمل إيه علشان الإنترنت ينتشر وأمريكا بجلالة قدرها كان فيها 27 مليون مستخدم للإنترنت من 330 مليون نسمة، مكناش عارفين إن الواي فاي هي اللي هتنشر الإنترنت والفكرة هي سر الانتشار وسرعة الحركة".

عدد أجهزة الواي فاي

وأضاف: "الواي فاي هو اللي حرك الإنترنت وسرع انتشاره وفتح مجالات كبيرة زي الموضوع السياسي في غزة الإعلام البديل له دور كبير جدا، ومن الحاجات الي اتغيرت جامد ان انتباه الفرد صغر جامد دلوقتي انتباه الطالب بقى 20 ثانية بدل 20 دقيقة".

وتابع:"بناءً علي الواي فاي اتعمل حاجات كتير في الصناعة وفيه 22 مليار جهاز اتعملوا، واحنا كعرب ومصريين موجودين في كل حتة وبنعمل شغل جبار بس الناس مش عارفة".

ولفت:"في سنة 2000 الشركة اللي انا عملتها وكنت مالك فوق 20% منها كانت قيمتها فوق الـ3 مليار دولار، والحمد لله انا فوق المستور بكتير".