السيسي: "أنا ليا مطلب للشركات اللى شغالة في ملف التنمية في سيناء"

تقدم الرئيس عبد الفتاح السيسي، اليوم الأحد، بالشكر لبعض رؤساء الشركات المنفذة لبعض الأعمال والمشروعات في سيناء.

وقال الرئيس السيسي خلال كلمته خلال تفقد اصطفاف المعدات المشاركة في تنمية وإعمار سيناء: "أنا بشكركم إنكم بتشتغلوا في ظروف صعبة.. ولو قلنا لبعضكم اتكلم عن الحوادث والعواقب اللي حصلت كتير.. اللي اتخطف قريبه.. واللي اتحرقت له معدات".

وأكد السيسي أن الإرهاب كان يعوق حياة الناس وليس التنمية فقط، موضحًا: "بعد ما ربنا سبحانه وتعالى وفقنا والإرهاب اللي كان موجود وكان يعيق حياة الناس.. لأن لو مفيش أمان الناس مش هتعرف تعيش حتى لو عايشه.. والحمد لله اللي تحقق بفضل الله والجيش والشرطة وأبناء سيناء".

وأضاف الرئيس: "أنا ليا مطلب للشركات اللى شغالة في ملف التنمية في سيناء.. سيناء مساحتها 60 ألف كليو متر.. واحنا في مصر عايشين تقريبا على 60 ألف كيلو تقريبا.. وده مهم اوي لأهالينا في سيناء.. مصر كلها 60 ألف كيلو تقريبا.. وبنحاول نزودها 12 % بالمدن الجديدة.. وسيناء لوحدها 60 ألف كيلو تقريبا".

وأشار الرئيس عبد الفتاح السيسي إلى إن الدولة لم تنفذ مشروعات للتنمية والتعمير في سيناء بسبب ارتفاع التكلفة، موضحًا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء".