السيسي محذرًا من الزيادة السكانية: "لو فضل نمونا السكاني بالطريقة دي محدش هيقدر يحل المسألة"

حذر الرئيس عبدالفتاح السيسي، رئيس الجمهورية، اليوم الخميس، من خطورة النمو السكاني بشكل غير منظم.

افتتاح مدينة المنصورة الجديدة

قال الرئيس السيسي خلال كلمته في افتتاح مدينة المنصور الجديدة: "لو فضل نمونا السكاني بالطريقة دي محدش هيقدر يحل المسألة دي خلاص ارضوا بقى متقولوش".

أزمة الزيادة السكانية

أضاف الرئيس: "مفتكرش حد هيقدر يعمل أكتر من اللي احنا بنعمله والله.. ما حد هيقدر يعمل أكتر من اللي احنا بنعمله.. هقولكم على حاجة البلاد اللي زي حالاتنا دي عاوزة واحدة من 3 حاجات: إما صبر وعمل دا مسار نشوف نتائجة بعد سنين طويلة، مش أنا علشان سني لكن الشباب الصغير، ممكن اسمعوا كلامي بس، أو المسار الثاني إن أحنا نسيب البلد دي تضيع بقى".

الرئيس السيسي يفتتح مدينة المنصورة الجديدة

وتابع: مفيش فايدة لأن هو في الأخر قولتلكم الحكاية دي مرة واتنين وعشرة هو حجم أموال طاقة دولة الطاقة دي، يا قد الدولة، يا أكبر منها، يا أقل منها.. وإن كانت أقل منها يبقى دائما الإحساس بالعوز والقلة.. وهو هيبقى جوانا دا لو كانت أقل لو قدها هيبقى الناس حاسة بشيء من الراحة لو أكثر.. هيبقى الإحساس بالرضا أكثر.. فاحنا بنقول يا ترى بالنمو السكاني بتاعنا دا على الموارد المتاحة عندنا الموارد المتاحة عندنا.. هل احنا في الأقل ولا في العام ولا في اللي فوق.. أنا بقولكم علشان ما أخبيش عليكم في الأقل حد يقولي في الأقل تقوم تعمل اللي بتعمله دا طالما بتقول أقل خلينا بقى نقعد في العشش.. لا يا جماعة مش كده".