قصة ولا في الخيال.. شاب يعود لأسرته بعد شهر من دفنه "فيديو"

قصة غريبة شهدتها إحدى قرى مصر، كشف تفاصيلها علي مراد عم محمد عادل شاب من ذوي الهمم، قائلاً: "ابن أخي خرج من حوالي 40 يوم بحثا عن عمل ولم نعرف له طريق".

وتابع مراد خلال مداخلة هاتفية مع الإعلامي عمرو أديب ببرنامج "الحكاية" والمذاع عبر قناة "ام بي سي مصر"، :" نزلنا صوره علي النت عشان نعرف هو فين، ولكن موصلناش لحاجة لحد ما ليقينا حد بعت صورة ليه وقال ابنكم محجوز في العناية وعثر عليه في حادثة قطار".

وتابع: "روحنا شوفناه والعيلة أجمعت إن ده ابننا وبعد كام يوم توفاه الله روحنا دفناه وخدنا العزا 3 أيام لحد هنا الأمور تمام،  امبارح قاعدين لقينا ميكروباص وفيه ابننا محمد عادل الأمر اللي تسبب في حالة ذعر افتكرناه شبح".

وأكمل: "سألناه كنت فين قال كنت شغال طيب شغال فين قال في المكان الفلاني ومعاه ورقة وفيها رقم تليفون وعنوان وبالفعل كلمنا صاحب الشغل وسألناه وأكد أن محمد كان عنده وبعدها العيلة كلها اتحولت من حزن لفرح ووالدته غيرت الهدوم السودا".