«حوار من أغبي ما يمكن».. عمرو أديب للمشككين بانتصار أكتوبر: في دول حولت هزايمها انتصارات

تحدث الإعلامي عمرو أديب، عن المشككين في انتصار حرب أكتوبر العظيم، قائلا إنه لم ير في حياته بلدا يوجد به فئة من الناس تعشق أن «ترمي عليها التراب».

وقال أديب، خلال برنامج “الحكاية": «كل عام في مثل هذا التوقيت ندخل في حوار من أغبي ما يمكن، وأتحدي أن هناك بلدا في العالم لديه الحوار الغبي ده»، مضيفا: «هناك دول خلقت حوارا ذكيا عن الغباء اللي بيجري عندنا فيما يخص حرب أكتوبر عام 1973».

وأردف: «كل ما تيجي مناسبة حرب أكتوبر واحد يقول على فكرة ماكنش انتصار، يا جدعان دا فيه دول في العالم حولت هزايمها لانتصارات، أي أنها أقنعت العالم أنها انتصرت، مش تكون منتصر وتلاقي ناس بتعمل فيديوهات وتكتب حاجات أنه لا لا دي خدعة».

وتابع أديب قائلا: «الجيل اللي موجود دلوقتي غير جيلنا، ومحضرش الحرب، عندك ايه تديهوله، دا أنت حتى معندكش انتصارات في الكورة، ايه اللي انتوا بتعملوه ده».