ريهام عبد الغفور: واحد قد جدي اتحرش بيا وأنا طفلة.. وليا 40 سنة ساكتة

كشفت الفنانة ريهام عبد الغفور مساء اليوم، عن واقعة تعرضها للتحرش أثناء طفولتها، لافتة إلى أنها ظلت تحتفظ بذلك السر لمدة 40 عاما.

تعرضت للتحرش وأنا عندي 6 سنين

وسردت  ريهام عبد الغفور، خلال لقائها مع الإعلامي أنس بوخش في برنامجه Abtalks، تفاصيل تعرضها للتحرش قائلة: تعرضت للتحرش وأنا طفلة 6 سنين من شخص قد جدي وكنا بنثق فيه، ولما دا حصلي خوفت أقول لأهلي.

وتابعت: بستخبى تحت السفرة لما بشوف الشخص دا.

وأردفت الفنانة ريهام عبد الغفور: الشخص دا لما مات فرحت وعرفت إحساس الشماتة، وبقالي 40 سنة مش قادرة أحكي وشايلة القصة في قلبي، ولكن السنة دي حكيت لـ جوزي وقدرت اتخطى الموضوع.

الصحاب مش بالعدد

أضافت ريهام عبد الغفور قائلة: أنا مريت بتجارب كتير مش حلوة في حياتي، ولكني واثقة أن مفيش حاجة دايمة ويوم واحد ممكن يغير كل حاجة.

واستطردت: بحاول أسيب أثر كويس عند الناس اللي حواليا مع إني اتخذلت كتير من صحابي، وفهمت إن الصحاب مش بالعدد.