أثارت قصة "الطفلة سيلين" المصابة بالضمور العضلي الشوكي، تفاعلا كبيرا في الأيام الماضية، حيث تفاعل معها الكثيرون وتعاطفوا، في الوقت الذي تم تدشين حملة لجمع التبرعات لعلاج الطفلة.
الطفلة سيلين تجمع 20 مليون جنيه
وكشف "أيمن علي، والد الطفلة سيلين، ، عن أنه تم جمع 20 مليون جنيه ضمن حملة التبرع، لشراء الحقنة الأغلى في العالم، مشيرا إلى أنه تم جمع 50% من المبلغ، وتظل بحاجة لـ 20 مليون جنيه آخرين.
الحالة الصحية لـ الطفلة سيلين
كشف والد الطفلة سيلين عن أن حالتها الصحية تدهورت بشكل كبير مؤخرا، قائلا: "سيلين دلوقتي عندها صعوبة في التنفس، والبلع، ونتاخد جلسات أكسجين كل شوية".
وتابع والد الطفلة: "حالتها بتتدهور بشكل كبير، وكل شوية بنعملها تحاليل وأشعة، والحل الوحيد دلوقتي أنها تأخد الحقنة في أسرع وقت".
الحقوا سيلين
في غضون ذلك، قالت الصفحة الخاصة بحملة التبرع لسيلين عبر موقع التواصل "فيسبوك": أول مرة منبقاش فرحانين، واحنا بننزل الاستعلام، كان نفسنا يا سيلين نقول إن الـ 20 دي بقت 40 والمبلغ يكمل.
وتابعت الصفحة في منشورها: يمكن في وقت تاني كنا نبقى طايرين من الفرحة واحنا شايفين إن في 6 ملايين اتجمعوا في أسبوع، إنما دلوقتي الوقت مش في صالحنا وبنسابق الزمن عشانك.
واستطردت صفحة حملة إنقاذ الطفلة سيلين: الحمد لله وصلنا نص المشوار بيكم وهنكمل برضه بيكم، بس سيلين لازم خلاص تاخد الحقنة في أسرع وقت، ده كلام كل الدكاترة المتابعين للحالة.
وأردفت: الحقوا سيلين وخلوا الاستعلام الجاي المبلغ كامل، مش عاوزين نعلن استعلام تاني غير الـ 40 مليونا، مضيفة: ساعدونا وناشدوا كل المشاهير والجاليات المصرية فالخارج والصفحات والجروبات الكبيرة.
واختتمت بالقول: اللهم كن لها ومعها، فإنه لاحول ولا قوة لنا ولها إلا بك، وارنا يا رب عجائب قدرتك في إنقاذها.
تابعوا آخر أخبار العقارية على Google News
