قال الرئيس عبد الفتاح السيسي، إن الدولة المصرية قدراتها الاقتصادية مش كبيرة، وعايزة جهد وعمل كبير أوي أوي حتى نستطيع ان نوفر بعرقنا مستوى معيشة كويس.
ووجه الرئيس السيسي خلال فعاليات تدشين الوحدات البحرية الجديدة لهيئة قناة السويس، رسالة للمواطن قائلاً: "إن ليه مش عايز تدفع تكلفة اللي عملته في 2011 و 2013 هو اللي أنت عملته دا مش كان ليه تأثير مدمر على اقتصادك، مش لما جينا نحسب الرقم دا لقيناه مدخلنا في 450 مليار دولار في 3 أو 4 سنوات، ودا كله على حساب مستقبل مصر وحاضرها، أنا بقولكم علشان تبقوا في الصورة، ياجماعة مدام عملتوا إجراء كلنا مع بعضنا بقى نستحمله، احنا بنحل المسألة مع بعضنا وبقولها لكل المصريين متقوليش بعد ما تعمل اللي عملته يلا خلصني من الموضوع، هنخلص الموضوع مع بعض وهندفع تكفلته مع بعض".
وأضاف اللسيسي: "لو انهاردة مكناش عملنا بنية أساسية في إنتاج وتوزيع والتحكم في شبكة الكهرباء مكنتش أقدر أقول للأوروبيين إن عندي فرصة إني أنتج الطاقة الجديدة والمتجددة في مصر وأوصلهالكم، والكلام دا اتكلف أكتر من 1.5 تريليون، واحنا بنعمل منظومات التحكم في شبكة الكهرباء في 47 مكان ودول تكلفتهم لوحدهم فوق الـ 3 مليار دولار وكلها هيتم استيرادها من الخارج".
وأشار إلى أن تكلفة مشروعات قطاع النقل وحده، تقترب من 2 تريليون جنيه، مضيفاً: "أنا محتار في عقول الناس وفهمها".
تابعوا آخر أخبار العقارية على Google News
