قال ناصر البرنس، مالك مطعم كبدة البرنس الشهير في منطقة إمبابة، معلقا على غلق مطعمه، إن حملة مكبرة من محافظة الجيزة والأمن قد أغلقت المطعم بسبب الشكاوى.
وأضاف البرنس: «بقالي 30 سنة بفرش بالليل ومكنش في مشاكل، بس كنا بنشيل من وقت للتاني لما يكون في حملة أو مدير الأمن معدي، حتى لو أنا خطأ في روح قانون، أشيل المخالفات اللي عندي مش أقفل المحل خالص لأن في ناس بتاكل عيش».
وأردف ناصر البرنس، خلال مداخلة هاتفية ببرنامج «الحكاية»، قائلا: «في ناس شغالة عندي عندها أسر، والمطعم مقفول دلوقتي لأنهم شالوا المعدات اللي بشتغل بيها، وعقبال ما ترجع تاني هتاخد وقت»، متابعا: «أنا خطأ ولازم ألم نفسي».
يذكر أن محافظة الجيزة كثفت حملاتها اليومية على مستوى الأحياء والمراكز و المدن لإزالة تعديات المحال العامة والمنشآت التجارية والمطاعم والكافيهات على الطريق العام للحد من المظاهر السلبية وتوفير حرم آمن لسير المواطنين.
تابعوا آخر أخبار العقارية على Google News
