عمرو أديب: الارتفاع في الأسعار لا يتناسب على الإطلاق مع نسب الزيادة والتضخم في الخارج - فيديو

قال الإعلامي عمرو أديب، معلقا على الزيادات المتتالية في أسعار السلع، إن تلك الزيادات لا تتناسب على الإطلاق مع نسب الزيادة في الخارج ونسب التضخم.

وأوضح أديب، خلال برنامج "الحكاية"، أنه «في كل الطبقات أيا كان طبقة عليا أو متوسطة أو غير متوسطة أي حد بيتكلم وهذا أمر موجود في كل مكان في العالم يحدثك في الأسعار دائما وأبدا يقول أنت عارف كنا بنشتري دي بكام وبقت بكام».

وأردف عمرو أديب: «في حاجة غير طبيعية في الأمر يعني مثلا هوسة البيض ومعركة البيض والدولة تتدخل عشان البيض، ويا جماعة الأعلاف أسعارها بترخص القمح سعره بيرخص الحاجات برة وجوة بترخص، ليه عندنا بتزيد؟».

وأضاف: «في حد من مصلحته يفضل يزق في طبق البيض دة أبو 75 يبقي بـ 80-90 عايزه يزيد لسبب أو لآخر، وفرصة في وسط الزحمة أنت مش شايف الحرب الأوكرانية أنت مش شايف الروس بيقولوا ايه؟ أيوة مال دة ومال طبق البيض؟ أيوة ليه علاقة بس مش بالطريقة دي».

وتابع أديب: «في شيء غير طبيعي بيحصل، في شيء مش متواكب مش قد الزيادة؛ كله كوم والحاجات المستوردة كوم تاني؛ أي شيء داخل فيه مكون مستورد قفزات مذهلة؛ ليه الحاجة زايدة كدة عن أي حته في العالم».

واختتم: "أنا بقول لحضراتكم بشكل واضح صريح؛ من هنا لآخر السنة هي أصعب شهور من أول الأزمة مش أغلاها؛ هي أصعب على الدولة وعلى الفرد؛ أن يدبر الفرد مصاريفه وأن تدبر الدولة مصاريفها".