حازت واقعة فقد شاب مصري في غرق مركب تجاري في المحيط الهندي، على اهتمام رواد السوشيال ميديا، وكشف أصدقاء الشاب المفقود عن رسائل ومقاطع فيديو، أوضح فيها أن المركب تتعرض للغرق.
وفي هذا السياق أصدرت الأكاديمية الأردنية للدراسات البحرية، الأربعاء، بيانًا بشأن طالبها المصري سامح سيد -ابن محافظة الفيوم- المختفي في واقعة السفينة التجارية المملوكة لسوريين، التي انتشرت أنباء عن غرقها في المحيط الهندي قبل أيام.
تفاصيل فقد طالب مصري بالمحيط الهندي
وذكرت الأكاديمية أن إحدى السفن في المحيط الهندي كان على متنها طاقم من ١٢ فردًا، وأن الأخبار الأولية تشير إلى غرق تلك السفينة بعد إخلاء كامل أفراد السفينة لها (بحسب موقع fleetmon.com)، إلا أن المتداول (بحسب بعض من تواصل مع ربان السفينة) بأن ٢ من طاقمها (أحدهما سامح سيد) غير معلوم مكانهما أو محدد مصيرهما حتى هذه اللحظة.
وأوضحت الأكاديمية أنها تحاول التواصل مع أي من أفراد أسرة سامح، والجهات المعنية لمتابعة الوضع إلا أنها لم نتمكن من الوصول لخبر مؤكد حتى الآن.
آخر رسالة لـ سامح سيد المختفي في المحيط الهندي
وتداول رواد مواقع التواصل الاجتماعي، رسالة واتساب بين سامح سيد وأحد أصدقائه يقول ليه فيها "الدنيا بايظة والمركب اتخرمت من كل حتة ومش عاوزين ينزلونا وعايزنا نتحرك بيها على السويس في وضعها ده"، ليرد صديقه "ربنا يستهرها عليك ياحبيبي وترجع بالسلامة".
رسالة أسرة الشاب سامح المفقود في المحيط الهندي
وقال أحد أفراد أسرة الشاب سامح المفقود في المحيط الهندي، أخويا مفقود في عرض البحر وفاضل يومين علي أنه يقدر يعيش من غير لأكل ولا شرب ومحدش بيتحرك.. بعد إذن الناس كله يعمل شير، حق أخونا وصاحبنا القبطان /سامح سيد شعبان كامل خريج دفعة 2020/2021 من الأكاديمية البحرية الأردنية شاب من الشباب المحبوبة والفئة المتوسطة داخل محافظة الفيوم دخل الكلية زي أي حد واتخرج وجه اخد شغل على مركب تجارية سافرت بيه شهر 2 ويتواصل معانا كل فترة من الفترات عادي.
وتابع: الشهر اللي فات بعتلنا أنا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة طبعا اتجاهم ركبوا من اليابان وبعدين راحوا كوريا والصين المهم كذا بلد لحد جزر المالديف والسفينة اتخرمت طبعا وعملوها وتتخرم المهم إن سامح مصور لنا كل حاجة صوت وصورة والمركب بتدخل مياه جم يوم 20/6 عملوا مشاكل مع القبطان وراجعوا واحد مصري من الإسكندرية من كتر المشاكل اللي عملوها.
وتابع المنشور: يوم 14/7 غرقت المركب كانوا 12 واحد فالمياه نزلوا فزورق فالمياه فنص المحيط الهندي بلغوا استغاثة أقرب سفينة ليهم كانت على بعد 12 ساعة منهم بعد ساعة من غرق السفينة وقع سامح من علي الزورق فالمياه والموج اخده بعيد عن الزورق حاول صاحبه القبطان محمد جمال يلحقه بس للأسف البحر اخد الاتنين كانوا لابسين لايف جاكيت وبعدوا عن المركب بعد 10 ساعات من الحادث الزورق باظ وبعدها بساعتين السفينة جت اخدت ال 10 الفاضلين من ال 12 شخص اللي كانوا ع الزورق في سامح ومحمد مش موجودين ولا لقوا حتي جثثهم مش طالبين غير إن الناس تقف معانا عاوزين صاحبنا واخونا حتى لو جثته جدعان ساعدونا اللي يعرف حد يكلمه الراجل ده ولد وحيد أمه وأمه بتموت عليه لا عارفين هو عايش ولا ربنا توفاه.
اختفاء طالب مصري بالمحيط الهندي
اختفاء طالب مصري بالمحيط الهندي
اختفاء طالب مصري بالمحيط الهندي
الطالب المصري المفقود
تابعوا آخر أخبار العقارية على Google News
