السيسي: شركة العاصمة عاوزة تأجرلنا منشآت الحي الحكومي بـ4 مليارات جنيه


الاربعاء 06 يوليو 2022 | 11:29 صباحاً
الرئيس عبدالفتاح السيسي
الرئيس عبدالفتاح السيسي
محمد شوشة

كشف الرئيس عبدالفتاح السيسي، رئيس الجمهورية، اليوم الأربعاء، أن "شركة العاصمة الإدارية عاوزة تأجرلنا منشآت الحي الحكومي بـ4 مليارات جنيه في السنة".

وقال الرئيس السيسي إن تحويل الدولة المصرية من التعامل الورقي للتعامل الرقمي تكلف أرقامًا كبيرة، مضيفًا: "الدولة المصرية لما تحول الدولة من دولة كانت بتشتغل ورقي لدولة بتتعامل رقمي، واحنا شغالين دلوقتي نخلي جزء من العمل اللي بيتم يكون في ذكاء اصطناعي".

وتابع الرئيس: "كل ده كلفنا كام.. وبنقول كدا علشان نحول الدولة الموجودة دلوقتي لجمهورية جديدة.. واحنا اتكلفنا أرقام كبيرة جدًا.. الحكومة دفعت من ده كام؟".

وقال الرئيس إن شركة العاصمة لديها كشف بنوك وائتمان محتمل، بقيمة 40 مليار جنيه كاش، إضافة إلى مستحقات بقيمة 80 مليار جنيهًا، مضيفًا: "الهدف اللي أنا بقوله ده علشان كتير من الناس بيسمعوني.. واتكلمنا في الموضوع من 4 سنين .. حد يقولي انتوا بتعملوا العاصمة ليه؟.. انتوا معاكوا فلوس للحكاية؟.. إدونا الفلوس نعيش بيها".

وأضاف السيسي: "البلاد مش بتعيش كده.. البلاد بتفضل تبني وتعمر في نفسها علشان تاخد مكانها وسط الأمم وده مبيجيش غير بالصبر والأفكار والتضحيات.. لما جيت على مراكز البيانات ساعة لما طرحنا الموضوعات دي كانت بعيدة علينا قالك هتجيبوا الفلوس دي كله منين؟.. إذا كنتم عاوزين تعملوا دولة ذات شأن زي ما بتشوفوا في الدول المتقدمة".

وتابع الرئيس: "تشتغل ازاي الحكومة بتاعتها.. تقولها عنوان في برنامج إعلامي أو التليفزيون.. تقولها عنوان الحكومة الذكية، لكن علشان أعمل الحكومة الذكية تكلفني 100 مليار جنيه".