كشف الرئيس عبدالفتاح السيسي، رئيس الجمهورية، اليوم الأربعاء، أن شركة العاصمة لديها كشف بنوك وائتمان محتمل، بقيمة 40 مليار جنيه كاش، إضافة إلى مستحقات بقيمة 80 مليار جنيهًا.
وقال الرئيس السيسي خلال افتتاح منصة مصر الرقمية: "الهدف اللي أنا بقوله ده علشان كتير من الناس بيسمعوني.. واتكلمنا في الموضوع من 4 سنين .. حد يقولي انتوا بتعملوا العاصمة ليه؟.. انتوا معاكوا فلوس للحكاية؟.. إدونا الفلوس نعيش بيها".
وأضاف السيسي: "البلاد مش بتعيش كده.. البلاد بتفضل تبني وتعمر في نفسها علشان تاخد مكانها وسط الأمم وده مبيجيش غير بالصبر والأفكار والتضحيات.. لما جيت على مراكز البيانات ساعة لما طرحنا الموضوعات دي كانت بعيدة علينا قالك هتجيبوا الفلوس دي كله منين؟.. إذا كنتم عاوزين تعملوا دولة ذات شأن زي ما بتشوفوا في الدول المتقدمة".
وتابع الرئيس: "تشتغل ازاي الحكومة بتاعتها.. تقولها عنوان في برنامج إعلامي أو التليفزيون.. تقولها عنوان الحكومة الذكية، لكن علشان أعمل الحكومة الذكية تكلفني 100 مليار جنيه".
وعن التكلفة المالية لإنشاء المراكز الرقمية، قال الرئيس السيسي: "الدكتور عمرو بيتكلم عن التكلفة المالية بتاعت الشبكات جوه المركز.. مش الشبكة اللي بتتصل بـ 20 ألف مبني لربط الدولة أو لربط الحي الحكومي".
وأوضح الرئيس: " لا أبالغ لو قولتلكم علشان نخلي الحي الحكومي مميكن بشكل يوفر عمل متقدم جدا للدولة المصرية سواء عملنا مراكز البيانات أو الجزء اللى اتعمل على 50 ألف موظف.. ثم الشبكة المؤمنة.. والمراكز الأخرى.. بنتكلم في 100 مليار جنيه.. أنا لا أبالغ.. بس أنا عارف الرقم ده جنب الرقم ده جنب الرقم".
تابعوا آخر أخبار العقارية على Google News
