الرئيس السيسي: بنتكلم عن حلم أفريقيا بقالنا سنين طويلة

وجه الرئيس عبدالفتاح السيسي، رئيس الجمهورية، اليوم الخميس، التحية والاحترام والترحيب بكل الضيوف الموجودين بجلسة افتتاح الاجتماعات السنوية الـ 29 للبنك الإفريقي للتصدير والاستيراد.

وقال الرئيس السيسي: في كلمته خلال الاجتماعات السنوية الـ 29 للبنك الإفريقي للتصدير والاستيراد "أفريكسيم": "اتكلمتم من منظور الاقتصاد ومن منظور قدرة البنوك ومساراتها، وكدا يمكن أخر تعليق اتقال من السيد إمبكي، دا اللي ممكن ابدأ من خلاله كلامي على قارتنا الأفريقية.. وأقول إحنا بنتكلم على حلم أفريقيا بقالنا سنين طويلة فاتت، وبنتكلم حتى 2063، والأمل اللي بنتمناه هتكلم من منظور مش بس الاقتصاد هتكلم من منظور الدولة إزاي دولة تقدر تعمل دا.. إزاي نحقق الكلام بيتقال في كل مناسبة".

وتابع الرئيس خلال كلمته في الاجتماعات السنوية الـ 29 للبنك الإفريقي للتصدير والاستيراد: "ايه الفاصل بين الواقع اللي عاوزين نغيره وبين الرؤية التي ممكن أن تستشرف الخطوات التنفيذية المناسبة لتحقيقه في أفريقيا وفي العالم كله.. دائما أقول إن المقارنات والبيانات بتدينا فرصة على التعرف على الحقائق والاستنتاجات والأهداف، مثال إحنا عندنا في دول العالم كله، بنقول إن فيه أكتر 20 دولة في العالم اللي هما الدول الغنية.. الدول الـ 20 طيب هو العالم كله كام دولة تقريبا 200 دولة يعني 20% من دول العالم فقط هي اللي تستطيع من خلال قدراتها الاقتصادية والصناعية ومواردها، أنها تتحط في المرتبة دي طيب بقيت الدول تروح فين دا أول سؤال".

وأكمل السيسي: "اتكلمتوا على كورونا والأزمة الأوكرانية كانت كاشفة، وأبرزت تحديات وأزمات لينا بالكامل ممكن نستفيد منها.. صحيح، لكن أنا هستفيد من حاجة من دي وأقولكوا يا ترى البنية الأساسية في القارة الإفريقية جاهزة إنها تلبي الطموحات والأماني التي تتمناها شعوبنا".

وقال السيسي: "هديكم مثال على مصر لما جينا نتكلم على مصر، ونتكلم على تطوير البنية أو إيجاد بنية أساسية مناسبة ليها حتى تنطلق للعمل الأفضل احتجنا خلال الـ 7 سنوات الماضية، وأنا مش مبالغ بنتكلم في حوالي 500 مليار دولار، أنا بتكلم على دولة مساحتها مليون كيلو متر مربع، واللي عملناه كان على تقريبا فقط 10 - 12% منها".

وأضاف الرئيس: "طيب القارة الإفريقية اللي فيها 30 مليون كيلو متر مربع.. وبنتكلم على التكامل اللي بتناقشوه.. يا ترى البنية الأساسية اللي تقدر تحقق دا للقارة الأفريقية.. تتكلف كام.. وهييجوا منين.. الكلام دا قولته من 5 سنوات في ألمانيا.. وقولت إذا كنتم عاوزين تغيروا وجه القارة الأفريقية وتخلوها قارة قادرة على إنها تلبي طموحات شعوبها وأمال شبابها محتاجين فقط تعملوا بنية أساسية في القارة دي.. والبنية الأساسية".

لو اتكلمت عن عن الطاقة الكهربائية ما هي بنية أساسية والطرق والسكك الحديدية والموانئ والمطارات بكام ومنين طيب أنتم كبنوك أوروبية مستعدية تدي قروض بتكلفة مالية رغم المخاطر العالية في افريقيا بتكلفة مالية قليلة ودا كان كلامي ساعتها وبستدعيه هنا مستعدين تدوا قروض للدول الافريقية علشان تعمل بنية أساسية باستمثارات ضخة فمحدش إذا اول تحدي في قارتنا الافريقية هو إيجاد بنية أساسية قارية وقولت الكلام دا كتير وبكررة في وجود المعنيين عن المال والاقتصاد والمعنيين عن الامل في افريقيا حلم الناس في افريقيا القارة اللي فيها أكبر نمو سكاني وأكبر حجم من الشباب في قارات العالم بالكامل بنتكلم عن مليار ونص تقريبا وفي 2050 هنصل لـ 2.5 مليار أو أكتر نسمة طيب ياترى الشباب بتاعت الشباب دا هتتحقق إزاي واحنا مش قادرين نروح لاثيوبيا بالقطر مش قادر أروح لكينيا بالقطر مش قادر أورح ليها بالطريق مفيش طريق مفيش سكة حديد ومفيش خطوط طيران تقدر توصلنا ببعضنا

حد يقولي طيب اعملوا ياسياسيين السياسيين معنيين وهما بينفذوا أي تخطيط على قدرتهم الاقتصادية

هديكم مثال إذا كانت أوكرانيا بتطلع 60 مليون طن قمح وهي مساحتها بالمناسبة 600 ألف كيلو متر مربع بس انتوا تفتكروا إن الدولة دي علشان تقدر توفر وتبقى بتدي منتجات زراعية لكتير من دول العالم دا اتعمل علشان إرادة سياسية ولا علشان قدرات موجودة على الأرض فيه كام مليون هكتار مش قابلين للزراعة لا عندهم البنية الأساسية المطلوبة للزراعة الكهرباء من طرق من مصارف من تكنولوجيا للزراعة المتقدمة حتى الصوامع الموجودة بتشيل 5 مليون طن هو حجم التصريف الشهري للدولة دي قدام الطلب بتاع العالم عاملة بنية أساسية هائلة على مدى كام سنة بتكلفة كبيرة لكن في النهاية علشان دولة زي أوكرانيا تحقق دا طيب ما فيه دول في القارة الأفريقية عندها قدرات للزراعة قد كدا قدرات كثيرة لكن حد من زمايلنا الموجودين يعرف إن أنا علشان أزرع مليون فدان محتاج إن يكون فيه الكهرباء بتاعتهم ودي هتتتكلف اموال ضخمة محتاج إن يكون فيه طرق وسكة حديد ودي عاوزه أموال ضخمة ثم تكنولوجيا زراعية حديثة ودي أموال ضخمة علشان مليون فدان مش علشان أتكلم على 25 أو 30 مليون فدان أو أكتر في دول جمب مننا

بحبش أذكر أسماء دول علشان محدش يتألم من حاجة بنتكلم عن أشقاء عندنا عندهم 200 مليون فدان قابلين للزراعة طيب مزرعوش ليه احنا بنتكلم بقالنا 50 سنة، لأن المطلوب مش موجود ودي القضية ما بين الواقع الموجود والقدرة على تغييره علشان تزلع المليون فدان دول بتتكلم في 200 مليار جنيه تقريبا يعني 30 مليار دولار تقريبا بالمناسبة لأي حد بيسمعني أوعوا تفتكروا إن دي أرقام دي أرقام أنا بدير العمل بيها في مصر هنا يعني الكلام اللي بتكلم عليه دا واقع أنا بعيشه علشان أحول مليون فدان من أرض قابلة للزراعة لأرض قابلة للزراعة بتكلم في الأرقام دي إذا انهاردة مش قضية وجود موارد طبيعية انهاردة لوحبيت تروح في أي دولة