عن الأسعار والحلم المشروع.. رسائل الرئيس السيسي خلال إطلاق مشروع الإنتاج الحيواني

أصدر الرئيس عبد الفتاح السيسي، عدة تصريحات، ورسائل خلال افتتاحه مشروع الإنتاج الحيواني في مدينة السادات بمحافظة المنوفية، في هذا السياق نرصد أبرز رسائل الرئيس خلال حفل الافتتاح.

أبرز تصريحات السيسي اليوم

 - عاوز أقول للمصريين خلوا بالكم المفروض الأسعار في مصر تبقى أكتر من كده بكتير.

-اوعوا تكونوا فاكرين إني بقول استقرار عشاني، لا والله، أنا بحلف بالله والله العظيم لما بتكلم على حالة رضا مجتمعي وحالة استقرار ما بستهدف منها حفظ النظام أو حفظ الرئيس يعني، لا والله العظيم وربنا المطلع.. لا أنا بتكلم على حياة الـ100 مليون.

- لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة.

- اللى بينقل منتجاته داخل مصر ما زال بيدفع تكلفة وقود 50 % وأقل من 50 %، لتر البنزين بـ2 دولار يعني حوالي 40 جنيها.

-الواقع اللي عندنا ده أقصى حاجة ممكن نعملها للضبط والسيطرة على الأسعار.

-اتكلمت مع الدكتور مصطفى دى 3 مرة نأجل البرنامج الخاص بأسعار الطاقة والكهرباء علشان منحملش على الناس.

-باتكلم على 17 مليون مشترك بتدفع أقل من 50 % من الطاقة.

-مش بقول كده إن الدولة بتمن على شعبها، لكن بنحاول نخلي فاتورة الأعباء على الناس ما أمكن مناسبة.

-برنامج الكهرباء لتالت مرة نأجله مع أن تكلفة إنتاج الكهرباء زادت، وسعر الغاز اللى بيستخدم في الكهرباء زاد.

-الهدف من النقاش أن كان الأول 5 دولارات دلوقتى بنتكلم في 21 دولارا، وكانت أقل من تكلفتها بتباع للناس طيب لما بقت 214 دولارا تساوى كام؟.

-الدولة استطاعت تجاوز أزمتين كبيرتين مثل أزمة جائحة انتشار كورونا وأزمة روسيا وأوكورانيا التي أثرت بشكل كبير جدًا على العالم الذي نمثل جزء منه.

-إحنا لسة عضمنا منشفش، عضمنا ينشف لما تلاقوا دخلي تريليون دولار في السنة.

-لما تلاقوا دخلي تريليون دولار حاسبوني، غير كدا لسة بدري وكلنا نحلم ونجري على حلمنا ده.. أنا بنام وأحلم بالتريليون وعشرة تلريليون وليس ذلك ببعيد عن الله سبحانه وتعالى.

- نتطلع لوجود 3 ملايين رأس ماشية من السلالات المتقدمة في إنتاج اللحوم والألبان.

-دعا إلى ضرورة مشاركة القطاع الخاص في مجال الانتاج الحيواني لما يتمتع به من آليات عمل وإمكانيات تفوق مثيلاتها في الحكومة.

-كنا نتحدث عن مليون رأس ماشية، وخلال السنوات السبع الماضية كان لدينا 71 ألف رأس فقط وهو رقم بسيط ومتواضع.

-تكلفة الـ100 ألف رأس ماشية تبلغ خمسة مليارات جنيه.

-الدولة تسعى لاستصلاح أكبر مساحة من الأراضي للسيطرة على تكلفة الإنتاج ومن ثم ضبط الأسعار.

-أن معدل نمو الإنتاج الحيواني لم يجاري معدل النمو السكاني، وأن عدد سكان مصر زاد بنحو 15 مليون نسمة خلال السنوات السبع أو الثماني الماضية.

- الدولة قادرة على الوصول لأفضل المعايير العالمية في صناعة اللحوم، وتوفير سلالات متقدمة سواء في إنتاج اللحوم أو الألبان حلم مشروع.

-صناعة اللحوم كبيرة وليس كما يتصورها البعض مجرد تربية رؤوس المواشي فقط ، بل هي صناعة متكاملة تحتاج إلى تكاليف وتأهيل العاملين بها، ودخلنا المجال متأخراً.

-الدول الغربية ترفع أسعار كل السلع بمجرد ارتفاع أسعار الطاقة لكن مصر لا تفعل ذلك.

-بلدنا توقفت 50 عاما لا تفكر ولا تكبر.. والبلد كبرت أوي كحجم لكن قدرتها لم ترتفع وإحنا غصب عننا مش هينفع معدلات العمل بتاعتنا تبقى متسارعة لازم قفزة.

-قال الرئيس مخاطبا المحافظين: "أنتم بتاخدوا فلوس من الناس مقابل دخول السوق.. لازم السوق يتنظم ويتم تنظيفه وتطويره من الفلوس دي.