السيسي: 250 مليار جنيه تكلفة استصلاح مليون فدان بـ "مستقبل مصر"

كشف الرئيس عبدالفتاح السيسي، اليوم السبت، أن تكلفة الزراعة في مشروع مستقبل مصر أعلى بكثر من أي مكان في الدلتا.

وقال الرئيس السيسي خلال افتتاح مشروع مستقبل مصر للإنتاج الزراعي، إن تكلفة زراعة الفدان تصل ما بين 200 إلى 300 ألف جنيه للفدان، مضيفا: "دي أسعار من سنتين ثلاثة، يعني المليون فدان دول يخشوا في 250 مليار جنيه".

وأضاف الرئيس: معانا مستثمرين وإعلام وأجهزة الدولة، ومهم قوي أننا نبص على ده ونتكلم، كلامنا أن إحنا منقدرش نستنى لغاية سنة 2024، يمكن نضغط على نفسنا علشان الظروف اللى احنا شايفينها".

وأشار السيسي إلى أنه "يهمنا كمصريين نبقى شايفين ده وشايفين تطوراته وأهدافه، ومقدرش أكون مطمئن لو تجاوزت 23 فى مستقبل مصر غير اللي في توشكى وبني سويف واللاهون وغيره، ليه بنقول كده حتى لو هنضغط".