كشف السيد القصير، وزير الزراعة واستصلاح الأراضي، اليوم السبت، أنه يتم استصلاح 2.2 مليون فدان في إطار مشروع الدلتا الجديدة.
وقال القصير، خلال كلمته في افتتاح مشروع مستقبل مصر للإنتاج الزراعي، بحضور الرئيس عبد الفتاح السيسي، إن الدولة المصرية أصبحت قادرة على تحقيق الاكتفاء الذاتي في كثير من المنتجات.
ولفت إلى أن الوزارة تعمل على مشروعات التوسع الأفقي التي تدعم الأمن الغذائي، وتعمل على تعويض الفائض من الأراضي، مضيفًا: "يتم استخدام أساليب الزراعة الحديثة من أجل تقليل التكاليف وتحقيق الزيادة الإنتاجية".
ونفى الرئيس عبد الفتاح السيسي، أن تكون المشروعات الضخمة التي تمت داخل الدولة المصرية في كافة القطاعات، هوى شخصي أو حكومي، لافتًا إلى أنه توفيق كبير من ربنا.
وقال الرئيس السيسي خلال خلال افتتاح مشروع مستقبل مصر للإنتاج الزراعي: "ما حدث في مصر من مشاريع اتعمل بدراسات من لجنة من متخصصين وأساتذة جامعة، حتى يحقق أهدافه".
وأضاف الرئيس: "مكنش ينفع نبني على خطوة دون أساس، إحنا بنتكلم عن 400 ألف فدان السنة دي، لازم نقول إحنا الترعة مش عارف إيه وتتعمل إزاي، وإحنا بنتحرك في كلامنا ودلوقتي علشان بطبيعتى، شايف ومتابع واسمع الكلام كله، وده مهم، وأنا بقول الكلام ده ليه، ده مش رد على حد".
وأشاد السيسي، بكفاءة القطاع الخاص، قائلا: "ثبت أن القطاع الخاص قادر على إدارة عمله بكفاءة عالية"، مضيفاً: "من 50 سنة كانت الحكومة بتوظف لكن خلاص، ثم إن التجربة والمسار عمل إيه؟ يا ترى كان لصالح الاقتصاد والتشغيل؟، ولا كان عبء على الدولة وتقدمها".
وأضاف الرئيس السيسي، "أنا عرفت وبجرى عليها، أنا قايل مين الشركات المصرية اللي عندها استعداد تعمل الصوب؟، علشان أعمل 15 ألف فدان لأن إنتاجهم مش زي إنتاج الفدان العادي، يبقى أنا وفرت نص المياه، وشغلت ناس".
وتابع الرئيس: "توفير فرص عمل، 900 ألف بينزلوا سوق العمل سنويا، طيب محدش قال الناس دي هتعيش إزاي؟ الشغل اللي انتوا شايفينه ده اللي بيعمله ويديره كنت اتمنى المستثمرين يقوموا بالشغل ده بس مقدرش أقولهم اعملوا البنية الأساسية للمشروع ده، لكن أنا هأخد ألف فدان وأزرعه طبقا للدورة الزراعية ليك وللبلد علشان تحقق أرباحك".
ويفتتح الرئيس عبد الفتاح السيسي، صباح اليوم السبت، مشروع مستقبل مصر للإنتاج الزراعي، وفق ما صرح به السفير بسام راضي، المتحدث باسم رئاسة الجمهورية.
تابعوا آخر أخبار العقارية على Google News
