بعد الزيادة المفاجأة.. مسئول بـ نستله يكشف سبب رفع أسعار منتجاتها

كشف مصدر مسؤول في شركة نستله بيور لايف للمياه، عن سبب رفع شركة نستله أسعار منتجاتها، موضحاً أن الشركة مضطرة لزيادة الأسعار، بسبب الزيادة في التكلفة التي تشهدها جميع الخامات على مستوى العالم.

وأوضح المصدر، في تصريحات صحفية، أن ارتفاع أسعار الدولار والمستلزمات ومواد التغليف، دفع الشركة إلى زيادة الأسعار لتستمر في جودة خدماتها.

غضب على منصات التواصل الاجتماعي

وشهدت منصات التواصل الاجتماعي، عدة شكاوى ضد الشركة من المواطنين بسبب زيادة الأسعار بشكل كبير عن منافسيها مما أدى إلى غضب كبير من الجمهور.

وقال أحد المواطنين في منشور له: "شركة نستلة للمياه اللي خلال الـ 5 شهور اللي فاتوا رفعت أسعار جالون المياه بشكل مبالغ فيه ليصل إلى 53 جنيه في حين إن الشركات المنافسة أسعارها فضلت عند 32 جنيه وده علشان الناس اتعودت إن مع كل زيادة تسكت بس لو العملاء تخلوا عن الشركات اللي بتسرقهم لصالح منافسين محافظين على الخدمة الشركة دي حتفوق على مبيعات في الأرض وترجع تتعدل مع الناس انا بعد 13 سنة مع نستلة بقولهم مع السلامة باي باي".

مياه نستله

وقال آخر، "دا حقيقي، نسلته مستهبلة وفاكرة علشان الناس متعودين عليها هيكملوا، أنا برده روحت لقيت السوبر ماركت بيقولي الجالون بـ ٥٧ جنيه مع إن معايا الفاضية وببدلها يعني بشتري مياه فقط، في حين إن دساني كانت بـ ٤٥ وهي على بعضها بالجالون البلاستيك، رجعتها واشتريت دساني ومش هشتري نستله تاني "لأن مش طبيعي يبقى في فرق أكتر من ٢٠٪ في جالون مياه بينك وبين أقرب منافس"اللي هو كوكاكولا!" مش شركة تحت بير السلم" .