السيسي: أنا معاكم ومنكم ولو مش قادر والله لأفتح الباب وأديكوا التحية وامشي

قال الرئيس عبد الفتاح السيسي، إن قوائم الانتظار في مصر مش هتخلص وهتزيد، الفكرة إن إحنا مش عايشين جوا بلدنا بس إحنا كمان بنتأثر من اللي بيحصل حوالينا. 

وأضاف السيسي، خلال كلمته في إطلاق استراتيجية تنمية الأسرة المصرية، الغلا اللي إحنا فيه معدل النمو السكاني مش بيتكأفئ مع معدل النمو الاقتصادي، إحنا عندنا عجز متراكم على مدار 50 سنة، يعني محتاج تضاعف عدد المستشفيات طب ده هيتكلف كام، والتشغيل هيتكلف كام، والأطباء اللي بيسبونا عشان المراتبات.. هو أنا مش عايز أديله مرتب كويس ولا مش قادر لأ الدولة اللي مش قادرة. 

ولفت الرئيس: لو أنا خرجت آلاف الطلبة من كلية الآداب أو الجغرافيا، هو سوق العمل فيه الكلام ده.. هي الناس عايزاة تعلم ولادها ولا عايزاة أية، العدد اللي بيخرج ملوش مكان، والرسالة اللي عايز أوصلها للناس أن قضية مصر قضية مشتركة ومش قضية سلطة، أنا معاكم ومنكم ولو مش قادر والله لأفتح الباب وأديكو التحية وأمشي.