«حسبي الله ونعم الوكيل فيكي».. صور مفاجئة ينشرها والد ياسمين صبري

تستمر الأزمة بين الفنانة ياسمين صبري وأسرتها؛ حيث وجه والدها أشرف صبري،

هجومًا شديدًا على ابنته، واتهمها بالكذب في تصريحاتها الأخيرة.

ونشر والد الفنانة ياسمين صبري، صورة لمدرستها، على صفحته الشخصية بموقع

التواصل الاجتماعي فيسبوك، قائلًا: «دي المدرسة اللي اتخرجت منها بناتي، اللي

واحدة منهم بتدعي أنها كانت في مدارس عربي، وعاشت حياة بائسة فقيرة، وأنها وصلت

بمجهودها! هو الكدب في حد يوصل للدرجة دي؟»؟

وأضاف: «أنا أفهم الكدب لما تبقى غلبانة، وتكدبي تقول: أنا من عيلة كبيرة،

ومدارس أجنبية، وعشت في سرايا، وبابي كان وزير، وهو بيشتغل عامل! يبقى كذب له

مبرر! لكن إن واحدة اتولدت لها شغالة فليبينية بتلبس من باريس؛ لأني كنت بأجيب لها

لبسها من هناك، ودخلت مدرسة الـEGC، أرقى مدارس

الإسكندرية في وقتها».

وتابع: «وعاشت في فيلا بحمام سباحة وصالة جيم، ولها غرفة

خاصة بحمامها، وكانت بليدة وطلَّعت تروحي، ويا دوب تنجح بالعافية بخمسين في المية،

وكانت بتروح الكلية بالعافية وأصحيها الصبح بالساعة علشان تروح الكلية، وتترفد في

السنة مرتين، وعميدة كلية إعلام بيروت موجودة وتشهد، كنت أروح دايمًا أقدم

اعتذارات وشهادات طبية علشان ترجع الكلية وشهاداتها عندي كلها كحك وأبوها دكتور، اخوكي بهدلتيه، اللي طول عمره جنبك وبييجي من آخر الدنيا علشانك! يا شيخة

بطَّلي اللي انتي فيه ده، وحسبي الله ونعم الوكيل فيكي، بطَّلي تجيبي سيرة عيلتك، أبوكي

اللي ربَّاكي منك لله».