بعد بيان النائب العام.. أول رد من زوجة الإعلامي الراحل وائل الإبراشي

علقت سحر الإبراشي، أرملة الإعلامي الراحل وائل الإبراشي، على قرار النائب بالتحقيق العاجل في وفاة الإعلامي الراحل.

وأوضحت «سحر الإبراشي» في تصريحات صحفية: «الحمد لله، أنا كنت عارفة إن أنا صح، أنا كنت متأكدة أن أنا صح»، مضيفة، أن زوجها كان ينوي التقدم بشكوى ضد طبيبه المعالج.

وتابعت «كنت دايمًا بقول لوائل أنا معايا كل التحاليل ومعايا كل حاجة، من أول ما جيت من السفر وأنا معايا كل حاجة عن وائل، كنت بقوله خليني أرفع أنا القضية، كان بيرد ويقولي خليني أنا دي معركتي أنا، كان بيعالجني غلط، دي معركتي أنا، الراجل توفاه الله، أسكت أنا ولا أكمل».

ووجهت كلمتها للطبيب المتسبب في وفاة الإعلامي الراحل: «كان ممكن وائل يكون نايم على سريره ويتوفى، إنما لا أنت دمرته، ودمرت بنته كان عندها ساعتها 14 سنة، وجاي دلوقتي تقول انتو دمرتوا بيتي وعيالي، أمال أنت كنت بتعمل إيه طول سنة كاملة».

وعن بيان النائب الذي أمر فيه بالتحقيق مع الطبيب المعالج قالت: «تحقيق النائب العام، واللي بعمله مش ليا أنا، أنا بعمل لوائل ولبنت كان عندها 14 سنة، تمت الـ15 سنة وأبوها مش موجود، البنت هتتخرج السنة دي، وتقولي فين بابا عشان يحضر حفلة التخرج.. أنت مفكرتش في الناس ليه؟».