الرئيس السيسي: مش هنخلى العالم لغة واحدة

قال

الرئيس عبد الفتاح السيسي، إن جهود الدولة في ملف عدم التمييز والتمييز على أساس

دينى أو أي أساس اخر لم تكن بسبب أي ضغوط، متابعا: «الكلام ده مش عملناه من ضغط من

حد.. احنا عملناه في ضوء معتقدات وأفكار.. التنوع والاختلاف سنة من السنن

الكونية.. الاختلاف والتنوع بين الناس في اللغة واللون والثقافة وكل شيء.. مش

هنقدر نخلى العالم كله واحد أو يتكلم لغة واحدة».

وأضاف

السيسي: في كلمته خلال جلسة «نموذج محاكاة الأمم المتحدة لمجلس حقوق الإنسان»:

واتصور لو فكرنا عايزين نعمل ده.. أنه الكل له لون سياسى واحد.. أو فهم أو ممارسة

واحدة.. اخشى أن يكون شكل من أشكال الاستعلاء بالقدرة والامكانيات.. والاستعلاء

بالممارسة.. لابد من التنوع والاختلاف بين الدول وبعضها البعض.. ده الواقع.. ومش

أنا اللى بقول كده.. للترويج لحاجة أو الدفاع عن حاجة.. ده واقع الدنيا كلها

موجودة فيه.

ويعقد

منتدى شباب العالم خلال الفترة من 10 إلى 13 يناير 2022 تحت شعار «العودة معا»،

بمشاركة شباب من 196 دولة بالعالم.. ويعد حدثا سنويا عالميا يقام بمدينة شرم الشيخ

في جنوب سيناء تحت رعاية الرئيس عبد الفتاح السيسي، وانطلق عبر 3 نسخ بالأعوام

الماضية 2017 و2018 و2019، حيث تم استضافة أكثر من 15 ألف شاب وشابة من 160 دولة

على مدار هذه الدورات الثلاث.