«انهاردة ماما أتخرجت من كلية حقوق إسكندرية بتقدير عالي» بهذه الكلمات كتب
الشاب محمد مرزوق وأخواته منشور على موقع التواصل الاجتماعي «فيس بوك»، احتفالًا
بتخرج والدته من الكلية.
ونشر محمد صورة مع أخواته الأربعة برفقة والدتهم وفاء صفوان والتي كانت
ترتدي فستانًا وفوق «روب التخرج»، وقال :«انهارده ماما اتخرجت من كلية حقوق
اسكندرية بتقدير عالى»، مضيفًأ «ماما مكملتش تعليمها عشان تتجوز وهى عندها ١٨ سنه
وجابت 4 اولاد وبعد طلاقها من بابا من حوالى ١٠ سنين جالها حاله من الاكتئاب».
وتابع «اقترحنا عليها انا واخواتى انها تكمل تعليمها وده ممكن يشغلها شويه
من اللى كانت فيه وان حياتها ممكن تتغير شويه وفعلا اخدت القرار ده ودخلت الثانويه
العامة وذاكرت واجتهدت وجابت مجموع كبير».
وواصل «بعد كده اختارت تدخل كلية الحقوق وفعلا دخلت الكلية وبدأت تحضر
المحاضرات وتذاكر زى أي حد لحد ما جه اليوم اللي تتخرج فيه وبتقدير كمان، وحصلت فى
الفترة دي على دبلوم اللغة والاتصال والترجمة ودبلومة القانون الدولي العام ومنحة
من منظمة الأغذية العالمية».
وأوضح محمد، «أنا وإخواتى عمرنا ما كنا نتخيل انها توصل للمرحله دي، احنا
بجد فخوريين بيكى يا امي فعلا علميتنا يعنى ايه مفيش حاجه اسمها مستحيل وان دايما
فيه أمل انتى مثال للنجاح والطموح».
واختتم منشوره «ربنا يخليكى لينا وعقبال ما نشوفك أحسن محاميه في مصر لان
الحلم والطريق لسه مخلصش».
تابعوا آخر أخبار العقارية على Google News
