السيسي يكشف السبب الرئيسي وراء التعدي على أراضي الدولة والأوقاف

قال الرئيس عبدالفتاح السيسي، إن مركز الإصدارات المؤمنة يساعد في حوكمة إجراءات الدولة، ضاربًا المثل بالتعدي على أراضي الدولة وعلى أراضي الأوقاف، معلقا: الوثائق اللي موجودة الخاصة بيهم ممكن تتزور، والتعدي سببه الوثائق المزورة.وأضاف السيسي، خلال افتتاحه مركز الإصدارات المؤمنة والذكية: «عشان كده بقول للدولة من فضلكم أراضي الدولة دلوقتي وأراضي الأوقاف تطلع وثائق بيها، والوثائق دي تكون بس الأمور تدققت بدقة شديدة ونطلع يبقى عندنا مستندات لملكية الدولة».وتابع السيسي: الأرض الـ100 ألف فدان دول بتوع الدولة ميروحوش لحد تاني إلا بقرار ينقل ده، وتتعمل إجراءات النقل بورق مؤمن برضو عشان ميبقاش فيه فرصة لحد يتعدى على أراضي الدولة وياخدها، لو عاوزين نجابه الفساد والتجاوز اللي ممكن يحصل وعملية الاختراق.وأوضح: لو مثلا في الجمارك هدفي فقط أعمل إجراءات أو اتحصل على الأموال، وأمنع دخول مواد خطرة على الأمن أو محظور دخولها.وأكد الرئيس، أن الورق قد يتعرض للتزوير، وبه فرصة للتجاوز، متابعا: أنا شفت حاجات كتير جدا مش دلوقتي، بس حتى قبل ما ابقى في مكاني ده وشفت قد إيه ممكن يتعمل ورق باسم جهات حكومية أو جهات سيادية في الدولة عشان يتسهل بيها دخول الموضوع، ودي أمور في منتهى منتهى الخطورة على الأمن والصحة العامة.