مجدي الجلاد عن رفضه منصب وزير الإعلام: «معرفش أكون موظف حكومي وما بصحاش بدري»

أكد الكاتب الصحفي مجدي الجلاد، أنه لو عرض عليه تولي منصب تنفيذي في الدولة، فلن يقبل، موضحًا: «يعني أنت لو جيتي تقولي لي هتتقلد منصب تنفيذي في الدولة، أقول لك أنا ماقدرش، مش بتاعتي، أنا راجل صحفي، أنا مش سياسي».

وأضاف مجدي الجلاد، خلال لقائه مع الإعلامية أسما إبراهيم ببرنامج «حبر سري» على شاشة «القاهرة والناس»، : «أنا لم أنضم لحزب سياسي ولا حركة سياسية ولا أخدت التدرج السياسي الطبيعي، ربنا ما خلقنيش عشان كده، أنا ما أنفعش».

وكشف مجدي الجلاد لأول مرة عن كواليس ترشيحه لمنصب وزير الإعلام، قائلًا: «في إحدى المرات في تشكيل وزاري ما، اتصل بي رئيس الوزراء المكلف في ذاك الوقت الدكتور كمال الجنزوري، وذلك بعد ثورة يناير، قال لي: أنا أخذت الموافقة إن إحنا نتقابل بكرة، أنت مرشح وزير إعلام، فممكن نتقابل بكرة الساعة 10، وكان يوم جمعة، قلت له: أعفيني.. أنا ما بعرفش أكون موظف حكومي".

وأوضح مجدي الجلاد موقفه من الروتين والبيروقراطية: «أنا مش بتاع روتين وبيروقراطية والكلام ده، أنا بتنفس حرية، أنا بحب أشم الأكسجين، ما بحبش حاجة تأيدك، ثم إنّي ما بصحاش بدري أساسًا».

وواصل: «أنا ما أنفعش وزير، وده مش عيب، أنا عايز أبقى صحفي، عايز أعيش وأموت صحفي، أنا كنت بحلم طول عمري إني أبقى صحفي».