نجيب ساويرس: المال مش مقياس النجاح.. وتربيت في البيت على القناعة وشكر الله

ساويرس:

محدش في إخواتي سفيه.. ومعندناش جراج فيه 12 عربية أو 300 واحد بيمشوا ورانا يشيلوا الشنط ويفتحوا الباب

ركوب التاكسي يبقيني متصلاً بالواقع ويكشف رأي السائق السياسي وحال البلد

آخر مرة ركبت فيها التاكسي كانت منذ عام.. واديت للسواق مبلغ كبير عشان فلوسي بتجيب حظ

قال المهندس نجيب ساويرس رجل الأعمال، إنّه لا يعتبر المال مقياس النجاح، وذلك تعليقا على وجوده ضمن قائمة فوربس لأثرياء العالم.

وأضاف في حواره مع الإعلامية لميس الحديدي، مقدمة برنامج "رحلة المليار"، عبر قناة "النهار": "أنا وسميح وكلنا في البيت تربينا على القناعة وشكر ربنا في أي حاجة، محدش فينا سفيه عنده جراج فيه 12 عربية أو 300 واحد بيمشوا جنبه اللي يشيل الشنطة له واللي يفتح الباب له، ده كلام فارغ".

وتابع: "بركب التاكسي لو السواق مش موجود أو بيصلي أو أنا مستعجل، وده بيخليني متصل بالواقع، ولما بركب بشوف رأي السواق السياسي في حالة البلد وعارف يعيش بفلوس التاكسي ولا لأ".

وأوضح، أن آخر مرة ركب فيها استقلّ فيها التاكسي كانت منذ عام: "اتكلمت معاه واديته مبلغ كبير، في الأول رفض، لكن أنا قلت له أنا فلوسي بتجيب حظ ومترفضهاش، خليهم معاك ومتصرفهمش وخليهم للزنقة عشان يجيبوا لك حظ".