أستاذ جراحات: كورونا موجود معانا ومكمل ومش هيختفي

تحدث الدكتور أحمد نجم أستاذ جراحات الأنف والأذن والحنجرة، عن الأدوار الموسمية للفيروسات التي تصيب المصريين كل عام، مؤكداً استمرار انتشارها دون ظهور متحور جديد. 

وقال نجم في لقاء مع قناة النهار، إن الفيروسات الأكثر انتشاراً في الوقت الحالي هي الإنفلونزا والبارا إنفلونزا، إلى جانب استمرار وجود فيروس كوفيد-19، قائلاً: "الكوفيد موجود معانا ومكمل، ده مش هيختفي".

وفي سياق شرح الأعراض، أشار نجم إلى أن الدور الحالي يتميز بحرارة شديدة مع آلام في الجسم، خاصة لدى بعض المرضى، إضافة إلى آلام في الحلق لا تتماشى دائماً مع حالة اللوز. 

وذكر: "الملحوظ في الأدوار دايماً بتبدأ بحرارة شديدة مع بعض الناس وتكسير عضم خطير ووجع في الحلق، مش هنقول لوز ولكن إحنا هنقول وجع في الحلق، لأن ساعات كتير جداً هما بييجوا العيادة بيشتكوا وكأن عندهم اللوز".

وأوضح نجم أن بعض الأطفال الذين يعانون من التهاب في الشعب الهوائية يحتاجون لتحويلهم إلى أطباء الأطفال لإجراء أشعة، موضحاً أن "مفيش حالات كبيرة في السن محجوزة في المستشفيات".

وأكد نجم أن هذا الدور الموسمي يتميز بآلام شديدة في الجسم والحلق، ويصيب أحياناً اللوز، فيما يشمل الجهاز التنفسي العلوي الأنف والجيوب الأنفية والحلق، وقد يمتد أحياناً إلى الصدر، وهو أمر طبيعي حسب طبيعة الدور السنوي.

وعن استئصال اللوز، شدد نجم على أن هذا الإجراء يتم لأسباب محددة لا علاقة لها بالدور الفيروسي الحالي، مضيفاً: "نشيل لوز ولا لأ عشان جالنا دور؟ لأ طبعاً، إحنا بنشيل اللوز لأسباب محددة ومعروفة على مدار العمر ومدار التاريخ، إحنا بنشيل اللوز لو بتلتهب عدد مرات؛ خمس مرات في السنة سنتين ورا بعض، سبع مرات في سنة واحدة، تلات مرات تلات سنين، لو حجمها كبير بحيث إنها تعوق الأكل أو الشرب بنشيلها، لو جه فيها مرة 'كوينزي' اللي هو خراج حتى لو مرة واحدة يفضل إنها تتشال، في السن الغير مسموح ماينفعش نشيلها ينفع نصغرها، الأطفال اللي بيجيلهم جسم غريب جوه اللوزة ومش عرفين نشيله بنشيل اللوز.. دي أشهر أسباب، ساعات نشيل اللوز كعينة نبقى شاكين إن إحنا عندنا نوع من أنواع الأورام ونشيل اللوز كعينة. دي الأسباب اللي بنشيل علشانها اللوز مش مجرد إن إحنا جايلنا فيروس من اللي موجودين حالياً أو حتى دور بكتيري لو مرة واحدة نشيل على أساسه اللوز".